حضرت عبداللہ بن عباس رضی اللہ عنہما سے روایت ہے، انہوں نے فرمایا: ”ایک آدمی فوت ہو گیا، (وفات سے پہلے بیماری کے ایام میں) رسول اللہ صلی اللہ علیہ وسلم اس کی عیادت کیا کرتے تھے۔ صحابہ کرام رضی اللہ عنہم نے اسے رات ہی کو دفن کر دیا، جب صبح ہوئی تو انہوں نے رسول اللہ صلی اللہ علیہ وسلم کو بتایا۔ آپ صلی اللہ علیہ وسلم نے فرمایا: ”مجھے خبر کرنے میں تمہیں کیا مانع تھا؟“ انہوں نے کہا: ”رات کا وقت تھا اور اندھیرا بھی تھا تو ہم نے آپ صلی اللہ علیہ وسلم کو تکلیف دینا پسند نہ کیا۔“ آپ صلی اللہ علیہ وسلم نے اس شخص کی قبر پر جا کر نمازِ جنازہ ادا کی۔“ [سنن ابن ماجه/كتاب الجنائز/حدیث: 1530]