حضرت ابو سعید خدری رضی اللہ عنہ سے روایت ہے، انہوں نے فرمایا: ”ایک بدو (اعرابی) نبی صلی اللہ علیہ وسلم سے اپنے کسی قرض کا تقاضا کرنے آیا جو آپ کے ذمہ تھا۔ اس نے رسول اللہ صلی اللہ علیہ وسلم سے سخت لہجے میں بات کی، حتیٰ کہ یہاں تک کہہ دیا: ”اگر آپ ادا نہیں کریں گے تو میں آپ کے ساتھ سخت رویہ اختیار کروں گا۔“ صحابہ کرام رضی اللہ عنہم نے اسے دانٹا اور کہا: ”تجھ پر افسوس! کیا تجھے معلوم نہیں تو کس سے مخاطب ہے؟“ اس نے کہا: ”میں تو اپنا حق مانگ رہا ہوں۔“ نبی صلی اللہ علیہ وسلم نے فرمایا: ”تم نے حق والے کا ساتھ کیوں نہ دیا؟“ پھر نبی صلی اللہ علیہ وسلم نے حضرت خولہ بنت قیس رضی اللہ عنہا کو پیغام بھیجا: ”اگر تمہارے پاس کھجوریں ہیں تو ہمیں قرض دے دو، ہماری کھجوریں آئیں گی تو ہم تمہارا قرض ادا کر دیں گے۔“ انہوں نے کہا: ”میرے ماں باپ آپ صلی اللہ علیہ وسلم پر قربان، اے اللہ کے رسول! میں حکم کی تعمیل کروں گی۔“ انہوں نے آپ کو (کھجوریں) قرض دے دیں۔ نبی صلی اللہ علیہ وسلم نے اعرابی کا قرض ادا کیا اور اسے کھانا کھلایا۔ اس نے کہا: ”آپ نے مجھے پورا حق دے دیا، اللہ آپ کو پورا دے۔“ تو رسول اللہ صلی اللہ علیہ وسلم نے فرمایا: ”ایسے لوگ بہترین ہوتے ہیں۔ وہ قوم پاک نہیں ہوتی جس میں کمزور کو پریشان کیے بغیر اس کا حق نہ دیا جائے۔““ [سنن ابن ماجه/كتاب الصدقات/حدیث: 2426]