اردو حاشہ:
(1)
  حضرت ابن عمر رضی اللہ عنہما کی یہ روایت اس سند سے تو ضعیف ہے تاہم دوسرے طرق سے اس کا حسن ہونا ثابت ہے۔
عیسی خیاط اور انھیں حناط بھی کہتے ہیں۔ دیکھیے: (تقریب التھذیب: 5352)
نے حضرت ابو ہریرہ کی جس حدیث کی طرف اشارہ کیا ہے غالبا اس سے مراد صحیح مسلم کی وہ حدیث ہے جس میں حضرت ابو ہریرہ ؓ نے نبی کریم صلی اللہ علیہ وسلم کا یہ ارشاد نقل کیا:
جب کوئی شخص قضائے حاجت کے لیے بیٹھے تو قبلے کی طرف منہ بھی نہ کرے اور پیٹھ بھی نہ کرے (صحيح مسلم، الطهارة، باب الاستطابة، حديث: 265)
اور ابن عمر رضی اللہ عنہما کی حدیث یہی ہے جو زیر مطالعہ ہے جس میں چار دیواری کے اندر اس کی اجازت معلوم ہوتی ہے۔
علاوہ ازیں حافظ ابن حجر ؒ نے وضاحت کی ہےکہ حضرت ابن عمر رضی اللہ عنہما کسی غرض سے چھت پر چڑھےتو ان کی نظر اچانک نبی کریم صلی اللہ علیہ وسلم پر پڑ گئی جان بوجھ کر انھوں نے نہیں دیکھا تاہم اس سے اچانک یہ شرعی حکم معلوم ہوگیا کہ چار دیواری کے اندر ایسا کرنا جائز ہے۔ (الموسوعة الحديثية: 8؍616)

(2)
علامہ وحید الزمان نے فرمایا ہے کہ نبی صلی اللہ علیہ وسلم سے قبلے کی طرف منہ کرنے اور پیٹھ کرنے کی احادیث بھی مروی ہیں اور ان سے ممانعت کی احادیث بھی موجود ہیں۔
ان میں تطبیق دو طرح ہوسکتی ہے۔
ایک تو یہ کہ نہی تحریمی ہے لیکن ممانعت صرف صحراء اور کھلی جگہ میں ہے عمارت میں جائز ہے۔
دوسری صورت یہ ہےکہ نہی کو تنزیہی قرار دیا جائے تو اجتناب افضل ہوگا اور نبی صلی اللہ علیہ وسلم کے فعل سے جواز ثابت ہوگا۔ (ترجمہ سنن ابن ماجہ از علامہ وحید الزمان۔
۔
۔
۔
۔
بتصرف)