2907. حضرت عائشہ ؓ فرماتی ہیں کہ عید کے دن حبشی ڈھالوں اور برچھیوں سے کھیل رہے تھے۔ رسول اللہ ﷺ سے میں نے درخواست کی یا آپ نے از خود فرمایا: ”تم دیکھنا چاہتی ہو؟“ میں نے عرض کیا: ہاں، تو آپ نے مجھے اپنے پیچھے کھڑا کرلیا جبکہ میرا رخسار آپ کے رخسار پر تھا اور آپ فرمارہے تھے: ”اے بنو ارفدہ!کھیلتے رہو۔“ حتیٰ کہ جب میں تھک گئی تو آپ نے فرمایا: ”بس تجھے کافی ہے؟“ میں نے عرض کیا: جی ہاں، تو آپ نے فرمایا: ”اب چلی جاؤ۔“ [صحيح بخاري، حديث نمبر:2907]

حدیث حاشیہ:
روایت میں کچھ صحابہ کے ڈھالوں اور برچھیوں سے جنگی کرتب دکھلانے کا ذکر ہے‘ اسی سے مقصد باب ثابت ہوا۔
یہ بھی معلوم ہوا کہ تاریخی اور جنگی کرتبوں کا نظارہ دیکھنا جائز ہے‘ پردہ کے ساتھ عورتیں ایسے کھیل دیکھ سکتی ہیں۔

2907. حضرت عائشہ ؓ فرماتی ہیں کہ عید کے دن حبشی ڈھالوں اور برچھیوں سے کھیل رہے تھے۔ رسول اللہ ﷺ سے میں نے درخواست کی یا آپ نے از خود فرمایا: ”تم دیکھنا چاہتی ہو؟“ میں نے عرض کیا: ہاں، تو آپ نے مجھے اپنے پیچھے کھڑا کرلیا جبکہ میرا رخسار آپ کے رخسار پر تھا اور آپ فرمارہے تھے: ”اے بنو ارفدہ!کھیلتے رہو۔“ حتیٰ کہ جب میں تھک گئی تو آپ نے فرمایا: ”بس تجھے کافی ہے؟“ میں نے عرض کیا: جی ہاں، تو آپ نے فرمایا: ”اب چلی جاؤ۔“ [صحيح بخاري، حديث نمبر:2907]

حدیث حاشیہ:
1۔
اس حدیث میں اہل حبشہ کا ڈھالوں اور برچھیوں سے کرتب دکھانے کا ذکر ہے۔
اس سے امام بخاری ؓنے ڈھال رکھنے کا جواز اور مشروعیت ثابت کی ہے۔
یہ بھی معلوم ہواکہ تاریخی اور جنگی کرتب دیکھنا جائز ہے۔
پردے کے ساتھ عورتیں بھی اس کا نظارہ کرسکتی ہیں اور یہ جنگی کرتب مسجد میں منعقد کیے جاسکتے ہیں۔
2۔
پہلی حدیث سے بعض جدت پسند حضرات نے گانے بجانے کا جواز کشید کیا ہے حالانکہ ایک روایت میں ہے:
”وہ بچیاں معروف معنوں میں گلوکارہ نہیں تھیں۔
“ (صحیح البخاري، العیدین، حدیث 952)
اس وضاحت کے بعد گانے بجانے کے جواز پر اصرارکرنا صریح نصوص (قرآن وحدیث کے واضح احکام)
سے منہ موڑنے کے مترادف ہے۔
3۔
پہلی روایت کے آخر میں ہے:
(فَلَمَّا غَفَلَ)
ایک نسخے کے مطابق اسماعیل کی روایت میں (اِشتَغَلَ بِعَمَلِ)
ہے۔
امام بخاری ؒنے اس دوسرے نسخے کا اعتبار کرتے ہوئے آخر میں وضاحت کی ہے کہ احمد کی روایت میں (عَمَلَ)
کی جگہ (غَفَلَ)
کے الفاظ ہیں۔
ہم نے جس نسخے کو بنیاد بنایا ہے اس میں اسماعیل کی روایت میں بھی (غفل)
کے الفاظ ہیں،اس لیے اس کی وضاحت کی ضرورت نہ رہی۔