´لونڈیوں کی کمائی لینا منع ہے۔`
طارق بن عبدالرحمٰن قرشی کہتے ہیں رافع بن رفاعہ رضی اللہ عنہ انصار کی ایک مجلس میں آئے اور کہنے لگے کہ آج اللہ کے نبی اکرم صلی اللہ علیہ وسلم نے ہمیں منع فرمایا ہے، پھر انہوں نے کچھ چیزوں کا ذکر کیا اور کہا: آپ صلی اللہ علیہ وسلم نے لونڈی کی کمائی (زنا کی کمائی) سے منع فرمایا سوائے اس کمائی کے جو اس نے ہاتھ سے محنت کر کے کمائی ہو، پھر آپ صلی اللہ علیہ وسلم نے انگلیوں سے اشارہ کر کے بتایا، مثلاً روٹی پکانا، چرخہ کاتنا، روئی دھننا، جیسے کام۔ [سنن ابي داود/كتاب الإجارة /حدیث: 3426]

فوائد ومسائل:
فائدہ۔
عورتوں کے لئے گھریلو دستکاریاں ایک اچھا مشغلہ ہیں۔
انہیں ا س میں مہارت حاصل کرنی چاہیے۔
تاکہ وہ ان میں مشغول رہیں اور دیگر لغویات سے محفوظ رہیں۔