4597. حضرت ابن عباس ؓ سے روایت ہے، انہوں نے آیت کریمہ ﴿إِلَّا الْمُسْتَضْعَفِينَ﴾ کے متعلق فرمایا کہ میری والدہ بھی ان ہی لوگوں میں سے تھیں جنہیں اللہ تعالٰی نے معذور قرار دیا تھا۔ [صحيح بخاري، حديث نمبر:4597]

حدیث حاشیہ:
شروع اسلام میں مکہ سے ہجرت کر کے مدینہ پہنچنا ضروری قرار دیا گیا تھا۔
کچھ کمزور لوگ ہجرت نہ کر سکے اور مکہ ہی میں مصیبتوں کی زندگی گزارتے رہے، ان ہی کے بارے میں یہ آیت نازل ہوئی۔

4597. حضرت ابن عباس ؓ سے روایت ہے، انہوں نے آیت کریمہ ﴿إِلَّا الْمُسْتَضْعَفِينَ﴾ کے متعلق فرمایا کہ میری والدہ بھی ان ہی لوگوں میں سے تھیں جنہیں اللہ تعالٰی نے معذور قرار دیا تھا۔ [صحيح بخاري، حديث نمبر:4597]

حدیث حاشیہ:
1۔
حضرت ابن عباس ؓ کی والدہ کا نام لبابہ بنت حارث تھا اور یہ ام المومنین حضرت میمونہ بنت حارث ؓ کی ہمشیر ہیں۔
ابتدائے اسلام میں مسلمان ہو چکی تھیں۔
اپنی طبعی کمزوری کی وجہ سے مکے میں رہائش رکھنے پر مجبور تھیں۔
ان کے ساتھ حضرت ابن عباس ؓ بھی تھے۔
یہ دونوں کمزور اورناتواں ہونے کی وجہ سے معذوروں میں شامل تھے۔
حضرت لبابہ کی کنیت ام الفضل ہے اور سیدہ خدیجہ ؓ کے بعد یہ پہلی خاتون ہیں جو مسلمان ہوئیں۔
ایک روایت میں ہے حضرت ابن عباس ؓ نے فرمایا:
میں اور میری والدہ ان کمزور لوگوں میں سے تھے جو مکہ مکرمہ میں نجات اور خلاصی نہیں پاسکتے تھے۔
(النساء: 97: 4)