766- سیدنا ابوسعید خدری رضی اللہ عنہ روایت کرتے ہیں، نبی اکرم صلی اللہ علیہ وسلم نے ارشاد فرمایا ہے: ”قیامت اس وقت تک قائم نہیں ہوگی جب تک مسلمانوں کے دوبڑے گروہ آپس میں جنگ نہیں کریں گے اور ان دونوں کا دعوٰی ایک ہوگا اور ان میں حق کے زیادہ قریب وہ ہوگا، جو غالب آجائے گا۔ ابھی وہ لوگ اسی حالت میں ہوں گے کہ ان میں سے ایک گروہ نکل جائے گا اور وہ لوگ دین سے یوں نکل جائیں گے، جس طرح تیر نشانے سے پارہوجاتا ہے۔“ [مسند الحمیدی/حدیث نمبر:766]

فائدہ:
یعنی مسلمان آپس میں لڑائی کریں گے۔ «دعـواهـما واحدة» سے مراد ہے کہ ان کا دین ایک ہوگا یعنی مسلمان ہوں گے، دوسرا مطلب کہ ہر جماعت اپنے آپ کو حق پر ہونے کا دعوی کرے گی۔ ان دو جماعتوں سے مراد سیدنا علی ﷜ اور سیدنا معاویہ ﷜کی جماعتیں ہیں۔ [فتح الباري:303/12]
نیز یہ بھی معلوم ہوا کہ جو جماعت حق کے زیادہ قریب ہو گی وہ بافی لوگوں کوقتل کرے گی۔ باغی لوگوں سے مراد خوارج ہیں۔