397- سیدہ ام درداء رضی اللہ عنہا، سیدنا ابورداء رضی اللہ عنہ کا یہ بیان نقل کرتی ہیں کہ نبی اکرم صلی اللہ علیہ وسلم نے ارشاد فرمایا ہے: ”جسے نرمی میں حصہ عطا کیا گیا، اسے بھلائی میں سے حصہ عطا کیا گیا اور جو شخص نرمی میں سے حصے سے محروم رہا وہ بھلائی میں حصے سے محروم رہا۔“ [مسند الحمیدی/حدیث نمبر:397]

فائدہ:
اس حدیث سے نرمی کی فضیلت و اہمیت ثابت ہوتی ہے، نرم مزاج انسان خیر پر ہوتا ہے، اور سخت مزاج بے شمار نیکیوں سے محروم ہو جا تا ہے۔