´گروی رکھنے کا بیان۔`
ابوہریرہ رضی اللہ عنہ سے روایت ہے کہ نبی اکرم صلی اللہ علیہ وسلم نے فرمایا: ”دودھ والا جانور جب گروی رکھا ہوا ہو تو اسے کھلانے پلانے کے بقدر دوہا جائے گا، اور سواری والا جانور رہن رکھا ہوا ہو تو کھلانے پلانے کے بقدر اس پر سواری کی جائے گی، اور جو سواری کرے اور دوہے اس پر اسے کھلانے پلانے کی ذمہ داری ہو گی۔‏‏‏‏“ ابوداؤد کہتے ہیں: یہ حدیث ہمارے نزدیک صحیح ہے۔ [سنن ابي داود/كتاب الإجارة /حدیث: 3526]

فوائد ومسائل:
فائدہ۔
رہن قبضے میں رکھنے والا جب جانور پر خرچ کرے گا۔
تو اس سے فائدہ بھی حاصل کرسکتا ہے۔
خواہ مالک نے اجازت دی ہو یا نہ دی ہو۔
لیکن یہ حکم صرف جانداروں کے بارے میں ہے۔
مکان۔
گاڑی۔
یا زمین وغیرہ میں یہ حکم جاری نہیں ہوگا۔
اگر کسی نے مکان گروی لیا ہو تو وہ اس سے فائدہ نہیں اٹھا سکتا۔
اس لئے نہ کرایہ پر دے کر اس کا کرایہ کھائےنہ خود رہائش اختیار کرے۔
دونوں صورتوں میں کرایہ مالک مکان کو ادا کرے۔
مکان دکان کو جانور پر قیاس کرنا صحیح نہیں۔
(دیگرتفصیلات کتب فقہ میں دیکھی جایئں)