3069. حضرت ابن عمر ؓسے روایت ہے کہ جب مسلمانوں نے (رومیوں سے) مقابلہ کیا تو وہ ایک گھوڑے پر سوار تھے۔ اس وقت مسلمان فوج کے سربرا ہ حضرت خالد بن ولید ؓتھے۔ انھیں حضرت ابو بکر ؓ نے امیر مقرر کیا تھا۔ اس (گھوڑے)کو دشمن نے پکڑلیا۔ جب دشمن شکست کھا گئے تو حضرت خالد بن ولید ؓنے ان کا گھوڑا واپس کردیا۔ [صحيح بخاري، حديث نمبر:3069]

حدیث حاشیہ:
معلوم ہوا کہ کسی مسلمان کا کوئی مال کسی دشمن حربی کافر کے حوالہ پڑ جائے تو فتح اسلام کے بعد وہ مال اس کے اصلی مالک مسلمان ہی کو ملے گا وہ اموال غنیمت میں داخل نہ کیا جائے گا۔

3069. حضرت ابن عمر ؓسے روایت ہے کہ جب مسلمانوں نے (رومیوں سے) مقابلہ کیا تو وہ ایک گھوڑے پر سوار تھے۔ اس وقت مسلمان فوج کے سربرا ہ حضرت خالد بن ولید ؓتھے۔ انھیں حضرت ابو بکر ؓ نے امیر مقرر کیا تھا۔ اس (گھوڑے)کو دشمن نے پکڑلیا۔ جب دشمن شکست کھا گئے تو حضرت خالد بن ولید ؓنے ان کا گھوڑا واپس کردیا۔ [صحيح بخاري، حديث نمبر:3069]

حدیث حاشیہ:
امام بخاری ؒ کا مطلب یہ ہے کہ کفار پر غلبے کے باوجود ان کے قبضے میں موجود مسلمان کا مال بطور غنیمت تقسیم نہیں کیا جاسکتا بلکہ وہ مال اسی مسلمان کو لوٹا دیا جائے گا جس کی وہ ملکیت تھا، خواہ وہ تقسیم غنیمت سے پہلے اسے شناخت کرلے یا اس کے بعد اس کی پہچان کرے۔
کچھ حضرات کا خیال ہے کہ کافر جب مال لوٹ کر لے جائیں اور اپنے ملک پہنچ جائیں تو وہ اس کے مالک بن جاتے ہیں۔
ان احادیث میں مذکورہ واقعے سے یہی ثابت ہوتا ہے کہ اگر کسی مسلمان کا مال کسی حربی کافر کے ہاتھ لگ جائے تو فتح کے بعد وہ مال اس کے اصلی مالک مسلمان ہی کو ملے گا۔
اسے اموال غنیمت میں شامل نہیں کیا جائے گا۔