الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
کتاب: قرآن پاک کی تفسیر کے بیان میں
9. بَابُ: {لَيْسَ لَكَ مِنَ الأَمْرِ شَيْءٌ} :
9. باب: آیت کی تفسیر ”آپ کو اس امر میں کوئی دخل نہیں کہ یہ ہدایت کیوں نہیں قبول کرتے اللہ جسے چاہے اسے ہدایت ملتی ہے“۔
حدیث نمبر: 4559 |
|
ہم سے حبان بن موسیٰ نے بیان کیا، کہا ہم کو عبداللہ بن مبارک نے خبر دی، کہا ہم کو معمر نے خبر دی، ان سے زہری نے بیان کیا، کہا مجھ سے سالم نے بیان کیا، ان سے ان کے والد عبداللہ بن عمر رضی اللہ عنہما نے بیان کیا اور انہوں نے رسول اللہ صلی اللہ علیہ وسلم سے سنا، آپ نے فجر کی دوسری رکعت کے رکوع سے سر اٹھا کر یہ بددعا کی۔ ”اے اللہ! فلاں، فلاں اور فلاں کافر پر لعنت کر۔ یہ بددعا آپ نے «سمع الله لمن حمده» اور «ربنا ولك الحمد» کے بعد کی تھی۔ اس پر اللہ تعالیٰ نے یہ آیت اتاری «ليس لك من الأمر شىء» ”آپ کو اس میں کوئی دخل نہیں۔“ آخر آیت «فإنهم ظالمون» تک۔ اس روایت کو اسحاق بن راشد نے زہری سے نقل کیا ہے۔
| ● صحيح البخاري | 4559 | عبد الله بن عمر | سمع الله لمن حمده ربنا ولك الحمد |
تخریج الحدیث کے تحت حدیث کے فوائد و مسائل
مولانا داود راز رحمه الله، فوائد و مسائل، تحت الحديث صحيح بخاري: 4559
4559. حضرت عبداللہ بن عمر ؓ سے روایت ہے، انہوں نے رسول اللہ ﷺ سے سنا، آپ جب نماز فجر کی دوسری رکعت سے سر اٹھاتے تو دعا کرتے: ”اے اللہ! فلاں، فلاں اور فلاں پر لعنت فرما۔“ یہ الفاظ آپ (سمع الله لمن حمده ربنا ولك الحمد) کہنے کے بعد کہا کرتے تھے۔ اس پر اللہ تعالٰی نے یہ آیت نازل فرمائی: "اے نبی! آپ کے اختیار میں کچھ نہیں (اللہ تعالٰی چاہے تو ان کی توبہ قبول کرے چاہے تو انہیں عذاب دے) بلاشبہ وہ ظالم ہیں۔" اس روایت کو اسحاق بن راشد نے بھی زہری سے بیان کیا ہے۔ [صحيح بخاري، حديث نمبر:4559]
حدیث حاشیہ:
اسحاق بن راشد کی روایت کو طبرانی نے معجم کبیر میں وصل کیا ہے۔
آپ نے چار شخصوں کا نام لے کر بد دعا کی تھی۔
صفوان بن امیہ، سہیل بن عمیر، حارث بن ہشا م اور عمرو بن عاص ؓ اور بعد میں یہ چاروں مسلمان ہو گئے۔
اللہ کو ان کا مستقبل معلوم تھا، اسی لیے اللہ نے ان پر لعنت کرنے سے منع فرمایا۔
اسحاق بن راشد کی روایت کو طبرانی نے معجم کبیر میں وصل کیا ہے۔
آپ نے چار شخصوں کا نام لے کر بد دعا کی تھی۔
صفوان بن امیہ، سہیل بن عمیر، حارث بن ہشا م اور عمرو بن عاص ؓ اور بعد میں یہ چاروں مسلمان ہو گئے۔
اللہ کو ان کا مستقبل معلوم تھا، اسی لیے اللہ نے ان پر لعنت کرنے سے منع فرمایا۔
صحیح بخاری شرح از مولانا داود راز، حدیث\صفحہ نمبر: 4559
الشيخ حافط عبدالستار الحماد حفظ الله، فوائد و مسائل، تحت الحديث صحيح بخاري:4559
4559. حضرت عبداللہ بن عمر ؓ سے روایت ہے، انہوں نے رسول اللہ ﷺ سے سنا، آپ جب نماز فجر کی دوسری رکعت سے سر اٹھاتے تو دعا کرتے: ”اے اللہ! فلاں، فلاں اور فلاں پر لعنت فرما۔“ یہ الفاظ آپ (سمع الله لمن حمده ربنا ولك الحمد) کہنے کے بعد کہا کرتے تھے۔ اس پر اللہ تعالٰی نے یہ آیت نازل فرمائی: "اے نبی! آپ کے اختیار میں کچھ نہیں (اللہ تعالٰی چاہے تو ان کی توبہ قبول کرے چاہے تو انہیں عذاب دے) بلاشبہ وہ ظالم ہیں۔" اس روایت کو اسحاق بن راشد نے بھی زہری سے بیان کیا ہے۔ [صحيح بخاري، حديث نمبر:4559]
حدیث حاشیہ:
1۔
بعض روایات میں اس آیت کا سبب نزول ان الفاظ میں بیان ہوا ہے کہ غزوہ اُحد میں رسول اللہ ﷺ کا اگلا دانت ٹوٹ گیا اور سرمبارک زخمی ہوگیا۔
آپ ﷺ اپنے چہرے سے خون صاف کرتے اور فرماتے:
"وہ قوم کیسے فلاح پائے گی جس نے اپنے نبی کاسرزخمی کردیا اور دانت توڑدیا، حالانکہ وہ انھیں اللہ کی طرف دعوت دے رہا تھا۔
" تو اس موقع پر یہ آیت نازل ہوئی۔
(صحیح مسلم، الجھاد، حدیث: 4645۔
(1791)
2۔
ایک روایت میں وضاحت ہے کہ آپ نے جن نامور مشرکین کا نام لے کر بددعا کی وہ یہ ہیں:
صفوان بن امیہ، ابوسفیان اور حارث بن ہشام۔
(جامع الترمذي، تفسیر القرآن، حدیث: 3004)
مگر اللہ تعالیٰ کو کچھ اور ہی منظور تھا۔
چند ہی روز گزرے تھے کہ جن مشرکین کے خلاف آپ نے بددعا کی تھی اللہ تعالیٰ نے انھیں آپ کے قدموں میں لا ڈالا اور اسلام کے جانباز سپاہی بنادیا، چنانچہ ایک روایت میں ہے کہ اس کے بعد اللہ تعالیٰ نے ان سب کو دین اسلام کی طرف مائل کردیا۔
(مسند أحمد: 104/2)
3۔
حافظ ا بن حجر ؒ نے لکھا ہے کہ چوتھے شخص حضرت عمرو بن عاص تھے۔
(فتح الباري: 284/8)
ان حضرات کا مستقبل اللہ تعالیٰ کے علم میں تھا کہ یہ حضرات حلقہ بگوش اسلام ہوں گے، اس لیے یہ آیت نازل فرما کر آپ کو بددعا کرنے سے روک دیاگیا۔
واللہ اعلم۔
1۔
بعض روایات میں اس آیت کا سبب نزول ان الفاظ میں بیان ہوا ہے کہ غزوہ اُحد میں رسول اللہ ﷺ کا اگلا دانت ٹوٹ گیا اور سرمبارک زخمی ہوگیا۔
آپ ﷺ اپنے چہرے سے خون صاف کرتے اور فرماتے:
"وہ قوم کیسے فلاح پائے گی جس نے اپنے نبی کاسرزخمی کردیا اور دانت توڑدیا، حالانکہ وہ انھیں اللہ کی طرف دعوت دے رہا تھا۔
" تو اس موقع پر یہ آیت نازل ہوئی۔
(صحیح مسلم، الجھاد، حدیث: 4645۔
(1791)
2۔
ایک روایت میں وضاحت ہے کہ آپ نے جن نامور مشرکین کا نام لے کر بددعا کی وہ یہ ہیں:
صفوان بن امیہ، ابوسفیان اور حارث بن ہشام۔
(جامع الترمذي، تفسیر القرآن، حدیث: 3004)
مگر اللہ تعالیٰ کو کچھ اور ہی منظور تھا۔
چند ہی روز گزرے تھے کہ جن مشرکین کے خلاف آپ نے بددعا کی تھی اللہ تعالیٰ نے انھیں آپ کے قدموں میں لا ڈالا اور اسلام کے جانباز سپاہی بنادیا، چنانچہ ایک روایت میں ہے کہ اس کے بعد اللہ تعالیٰ نے ان سب کو دین اسلام کی طرف مائل کردیا۔
(مسند أحمد: 104/2)
3۔
حافظ ا بن حجر ؒ نے لکھا ہے کہ چوتھے شخص حضرت عمرو بن عاص تھے۔
(فتح الباري: 284/8)
ان حضرات کا مستقبل اللہ تعالیٰ کے علم میں تھا کہ یہ حضرات حلقہ بگوش اسلام ہوں گے، اس لیے یہ آیت نازل فرما کر آپ کو بددعا کرنے سے روک دیاگیا۔
واللہ اعلم۔
هداية القاري شرح صحيح بخاري، اردو، حدیث\صفحہ نمبر: 4559
