´بعض کبیرہ گناہوں پر کفر کا لفظ بولا گیا ہے`
«. . . عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ:" وَيْلَكُمْ أَوْ وَيْحَكُمْ" قَالَ شُعْبَةُ: شَكَّ هُوَ لَا تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ . . .»
”. . . نبی کریم صلی اللہ علیہ وسلم نے فرمایا، افسوس «ويلكم» یا «ويحكم» شعبہ نے بیان کیا کہ شک ان کے شیخ (واقد بن محمد کو) تھا۔ میرے بعد تم کافر نہ ہو جانا کہ ایک دوسرے کی گردن مارنے لگو . . .“ [صحيح البخاري/كِتَاب الْأَدَبِ: 6166]

لغوی توضیح:
«اسْتَنصِت» خاموشی کا حکم دو۔
«رِقَاب» جمع ہے «رَقَبَة» کی، معنی ہے گردنیں۔

فہم الحدیث:
یہ اور اس جیسی جن دیگر احادیث میں بعض کبیرہ گناہوں پر کفر کا لفظ بولا گیا ہے ان سے مقصود یہ بتلانا ہے کہ یہ کفار کے کام ہیں جو مسلمانوں کو نہیں کرنے چاہئیں، یہ مراد نہیں کہ ان کا مرتکب کافر ہو جاتا جیسا کہ یہ چیز کتاب و سنت کے واضح دلائل سے ثابت ہے، لہٰذا یہ اور اس جیسی دیگر احادیث کی یہ تاویل کی جائے گی کہ ان اعمال کا ارتکاب کرنے والا دائرہ کفر میں اسی حد تک داخل ہو جاتا ہے جتنا وہ گناہ کرتا ہے لیکن وہ مکمل کافر نہیں ہوتا۔ [منة المنعم فى شرح مسلم 93/1]

6166. حضرت ابن عمر ؓ سے روایت ہے وہ نبی ﷺ سے بیان کرتے ہیں آپ نے فرمایا: ”تم پر افسوس! میرے بعد تم کافروں کی طرح نہ ہوجانا کہ ایک دوسرے کی گردنیں اڑانے لگو۔“ نضر نے شعبہ سے ویحکم روایت ہے جبکہ عمر بن محمد نے اپنے باپ سے ویلکم یا ویحکم کے الفاظ نقل کیے ہیں۔ [صحيح بخاري، حديث نمبر:6166]

حدیث حاشیہ:
مطلب ایک ہی ہے۔
باہمی قتل وغارت اسلامی شیوہ نہیں بلکہ یہ شیوئہ کفار ہے اللہ ہم کو اس پر غور کرنے کی توفیق دے۔
(آمین)