حضرت ابو سعید رضی اللہ عنہ سے روایت ہے کہ نبی صلی اللہ علیہ وسلم نے فرمایا: ”یقیناً تم (مسلمان بھی) اپنے سے پہلے لوگوں کی بالشت بالشت اور ہاتھ ہاتھ (قدم بقدم) پیروی کرو گے۔ اگر وہ کسی سانڈے کے بل میں داخل ہوئے ہوں گے تو تم بھی اس میں گھس جاؤ گے۔“ ہم نے عرض کیا: اللہ کے رسول صلی اللہ علیہ وسلم ! کیا پہلے لوگوں سے مراد یہود و نصاریٰ ہیں؟ نبی صلی اللہ علیہ وسلم نے فرمایا: ”اور کون ہو سکتے ہیں؟“ [صحيح البخاري/كتاب أحاديث الأنبياء/حدیث: 3456]

حضرت ابو ہریرہ رضی اللہ عنہ سے روایت ہے، وہ نبی صلی اللہ علیہ وسلم سے بیان کرتے ہیں کہ آپ صلی اللہ علیہ وسلم نے فرمایا: ”قیامت اس وقت تک قائم نہ ہوگی جب تک میری امت بھی پہلی امتوں کی چال پر نہ چلے گی، بالشت کے ساتھ بالشت اور ہاتھ کے برابر ہاتھ کی پیروی کرے گی۔“ عرض کیا گیا: ”اللہ کے رسول! پہلی امتوں سے کون مراد ہیں؟ پارسی اور رومی؟“ آپ صلی اللہ علیہ وسلم نے فرمایا: ”ان کے علاوہ اور کون ہو سکتے ہیں؟“ [صحيح البخاري/كتاب أحاديث الأنبياء/حدیث: 7319]

حضرت ابو سعید خدری رضی اللہ عنہ سے روایت ہے، وہ نبی صلی اللہ علیہ وسلم سے بیان کرتے ہیں کہ آپ نے فرمایا: ”تم پہلے لوگوں کے طریقوں کی ایسے پیروی کرو گے جیسے بالشت، بالشت کے برابر ہے اور ہاتھ ہاتھ کے برابر ہے، یہاں تک کہ اگر وہ سانڈے کے بل میں داخل ہوئے ہوں گے تو تم اس میں بھی ان کا اتباع کرو گے۔“ ہم نے پوچھا: اللہ کے رسول! اس سے یہود نصاریٰ مراد ہیں؟ آپ نے فرمایا: ”اور کون مراد ہو سکتے ہیں؟“ [صحيح البخاري/كتاب أحاديث الأنبياء/حدیث: 7320]