حضرت ابن عباس رضی اللہ عنہ سے روایت ہے، انہوں نے کہا کہ ”حضرت عبدالرحمٰن بن عوف رضی اللہ عنہ منیٰ میں اپنے اہل خانہ کی طرف آ رہے تھے اور وہ حضرت عمر رضی اللہ عنہ کے آخری حج میں ان کے ساتھ تھے۔“ حضرت عبدالرحمٰن رضی اللہ عنہ کہتے ہیں کہ ”حضرت عمر رضی اللہ عنہ نے مجھے راستے میں پا لیا (تو ایک اعلان کرنے کا مشورہ کیا)۔ میں نے عرض کی: اے امیر المؤمنین! موسمِ حج میں عام لوگ جمع ہوتے ہیں، میری رائے یہ ہے کہ آپ اس اعلان کے لیے کچھ دیر کریں۔ جب مدینہ طیبہ تشریف لائیں جو کہ دارِ ہجرت اور سنتِ نبوی کا مرکز ہے وہاں آپ فقیہ، اہل فکر اور صاحبِ بصیرت لوگوں کو پائیں گے۔“ حضرت عمر رضی اللہ عنہ نے فرمایا: ”مدینہ طیبہ پہنچ کر میں سب سے پہلے لوگوں سے اسی موضوع پر گفتگو کروں گا۔“ [صحيح البخاري/كتاب مناقب الأنصار/حدیث: 3928]

حضرت عمر رضی اللہ عنہ سے روایت ہے، انہوں نے فرمایا: جب اللہ تعالیٰ نے اپنے نبی صلی اللہ علیہ وسلم کو فوت کر لیا تو انصار بنو ساعدہ کی چوپال میں جمع ہو گئے۔ میں نے حضرت ابوبکر رضی اللہ عنہ سے عرض کیا: آپ ہمارے ساتھ چلیں، چنانچہ ہم سقیفہ بنی ساعدہ میں ان کے پاس آئے۔ [صحيح البخاري/كتاب مناقب الأنصار/حدیث: 2462]