اور انھیں برائیوں سے بچا اور تو جسے اس دن برائیوں سے بچا لے تو یقینا تو نے اس پر مہربانی فرمائی اور یہی تو بہت بڑی کامیابی ہے۔[9]
تفسیر عبدالرحمٰن کیلانی
9۔ اور انہیں برائیوں [11] سے بچا لے۔ اس روز جسے تو نے برائیوں [12] سے بچا لیا گویا تو نے اس پر رحمت کر دی اور یہی بڑی کامیابی ہے
[11] ﴿سيئات﴾ کے تین معنی:۔
﴿السَّيِّأت﴾ کے تین معنی ہیں۔ ایک غلط عقائد، بگڑے ہوئے اخلاق اور برے اعمال، دوسرے، گمراہی اور اعمال بد کا وبال، تیسرے آفات و مصائب اور تکلیفیں خواہ وہ دنیا کی ہوں، عالم برزخ کی ہوں یا عالم قیامت کی ہوں۔ یہاں تینوں قسم کی برائیاں مراد ہیں۔
[12] روز محشر کی برائیوں سے مراد اس دن کی ہولناکیاں، انتہائی تپش اور شدت پیاس، اپنا محاسبہ کا خوف، مجرمین کی بر سر عام رسوائی وغیرہ ہیں۔
