(نبی کریم صلی اللہ علیہ وسلم نے فرمایا:)
”لوگوں میں سب سے بڑا چور وہ ہے جو اپنی نماز میں چوری کرتا ہے، یعنی نہ اس کا رکوع پورا کرتا ہے اور نہ اس کا سجدہ۔ اور لوگوں میں سب سے بڑا بخیل وہ ہے جو سلام کرنے میں بخل سے کام لے۔“ [صحيح الجامع الصغير وزيادته/[حرف الألف] -- أر/حدیث: 966]

(نبی کریم صلی اللہ علیہ وسلم نے فرمایا:)
”قیامت کے دن میری شفاعت سے سب سے زیادہ خوش نصیب وہ شخص ہوگا جس نے سچے دل سے خلوص کے ساتھ کہا ہوگا کہ اللہ کے سوا کوئی سچا معبود نہیں۔“ [صحيح الجامع الصغير وزيادته/[حرف الألف] -- أر/حدیث: 967]

(نبی کریم صلی اللہ علیہ وسلم نے فرمایا:)
”(صفا اور مروہ کے درمیان) سعی کیا کرو، کیونکہ بلاشبہ اللہ تعالیٰ نے تم پر سعی کو فرض کیا ہے۔“ [صحيح الجامع الصغير وزيادته/[حرف الألف] -- أر/حدیث: 968]

(نبی کریم صلی اللہ علیہ وسلم نے فرمایا:)
”فجر کی نماز اجالے میں پڑھا کرو، یہاں تک کہ لوگ اپنے تیروں کے گرنے کی جگہوں کو (روشنی میں) دیکھ سکیں۔“ [صحيح الجامع الصغير وزيادته/[حرف الألف] -- أر/حدیث: 969]

(نبی کریم صلی اللہ علیہ وسلم نے فرمایا:)
”فجر کی نماز خوب اجالا ہونے پر پڑھا کرو، کیونکہ اس میں بہت بڑا ثواب ہے۔“ [صحيح الجامع الصغير وزيادته/[حرف الألف] -- أر/حدیث: 970]

(نبی کریم صلی اللہ علیہ وسلم نے فرمایا:)
”(دیگر) لوگ تو (محض) مسلمان ہوئے ہیں، جبکہ عمرو بن عاص ایمان لائے ہیں۔“ [صحيح الجامع الصغير وزيادته/[حرف الألف] -- أر/حدیث: 971]

(نبی کریم صلی اللہ علیہ وسلم نے فرمایا:)
”تم زمانہ جاہلیت میں جو نیکیاں کر چکے ہو، انہی نیکیوں کی بدولت تم اسلام لائے ہو۔“ [صحيح الجامع الصغير وزيادته/[حرف الألف] -- أر/حدیث: 972]

(نبی کریم صلی اللہ علیہ وسلم نے فرمایا:)
”پہلے اسلام لاؤ، پھر قتال (جہاد) کرو۔“ [صحيح الجامع الصغير وزيادته/[حرف الألف] -- أر/حدیث: 973]

(نبی کریم صلی اللہ علیہ وسلم نے فرمایا:)
”اسلام قبول کر لو، خواہ تمہیں (طبیعی طور پر) ناگوار ہی کیوں نہ گزر رہا ہو۔“ [صحيح الجامع الصغير وزيادته/[حرف الألف] -- أر/حدیث: 974]

(نبی کریم صلی اللہ علیہ وسلم نے فرمایا:)
”قبیلہ اسلم کو اللہ نے سلامت رکھا اور قبیلہ غفار کو اللہ نے بخش دیا، سنو! اللہ کی قسم، یہ میں نے خود نہیں کہا بلکہ اللہ تعالیٰ نے فرمایا ہے۔“ [صحيح الجامع الصغير وزيادته/[حرف الألف] -- أر/حدیث: 975]