(نبی کریم صلی اللہ علیہ وسلم نے فرمایا:)
”ناک میں پانی چڑھا کر دو مرتبہ یا تین مرتبہ اچھی طرح جھاڑ کر صاف کرو۔“ [صحيح الجامع الصغير وزيادته/[حرف الألف] -- أر/حدیث: 956]

(نبی کریم صلی اللہ علیہ وسلم نے فرمایا:)
”میں تمہارے دین، تمہاری امانت اور تمہارے اعمال کے انجام کو اللہ کے سپرد کرتا ہوں۔“ [صحيح الجامع الصغير وزيادته/[حرف الألف] -- أر/حدیث: 957]

(نبی کریم صلی اللہ علیہ وسلم نے فرمایا:)
”میں تمہیں اس اللہ کے سپرد کرتا ہوں جس کے پاس رکھی گئی امانتیں ضائع نہیں ہوتیں۔“ [صحيح الجامع الصغير وزيادته/[حرف الألف] -- أر/حدیث: 958]

(نبی کریم صلی اللہ علیہ وسلم نے فرمایا:)
”انصار کے ساتھ بھلائی کرنے کی میری وصیت قبول کرو (یعنی ان کے ساتھ ہمیشہ اچھا سلوک کرنا)۔“ [صحيح الجامع الصغير وزيادته/[حرف الألف] -- أر/حدیث: 959]

(نبی کریم صلی اللہ علیہ وسلم نے فرمایا:)
”عورتوں کے ساتھ بھلائی کرنے کی وصیت قبول کرو، کیونکہ عورت پسلی سے پیدا کی گئی ہے اور پسلی میں سب سے زیادہ ٹیڑھا حصہ اس کا اوپر والا حصہ ہوتا ہے۔ پس اگر تم اسے سیدھا کرنے جاؤ گے تو اسے توڑ دو گے، اور اگر اسے اسی حال میں چھوڑ دو گے تو وہ ٹیڑھی ہی رہے گی، لہٰذا عورتوں کے بارے میں بھلائی کی وصیت قبول کرو۔“ [صحيح الجامع الصغير وزيادته/[حرف الألف] -- أر/حدیث: 960]

(نبی کریم صلی اللہ علیہ وسلم نے فرمایا:)
”(نماز کی صفوں میں) سیدھے کھڑے ہو اور آگے پیچھے نہ کھڑے ہو، ورنہ تمہارے دلوں میں اختلاف پیدا ہو جائے گا، اور تم میں سے جو بالغ اور سمجھدار ہیں انہیں میرے قریب کھڑا ہونا چاہیے، پھر ان کو جو ان کے بعد ہیں، پھر ان کو جو ان کے بعد ہیں۔“ [صحيح الجامع الصغير وزيادته/[حرف الألف] -- أر/حدیث: 961]

(نبی کریم صلی اللہ علیہ وسلم نے فرمایا:)
”عرب قبائل میں سب سے جلدی ہلاک (ختم) ہونے والا قبیلہ قریش ہوگا، قریب ہے کہ ایک عورت کسی جوتے کے پاس سے گزرے گی تو اسے دیکھ کر کہے گی: یہ کسی قریشی کا جوتا ہے۔“ [صحيح الجامع الصغير وزيادته/[حرف الألف] -- أر/حدیث: 962]

(نبی کریم صلی اللہ علیہ وسلم نے فرمایا:)
”تم (ازواج مطہرات) میں سے مجھ سے سب سے جلدی وہ آ کر ملے گی جس کے ہاتھ تم میں سب سے لمبے (یعنی جو سب سے زیادہ صدقہ و خیرات کرنے والی) ہوں گے۔“ [صحيح الجامع الصغير وزيادته/[حرف الألف] -- أر/حدیث: 963]

(نبی کریم صلی اللہ علیہ وسلم نے فرمایا:)
”جنازے کو جلدی لے کر جایا کرو، کیونکہ اگر وہ نیک ہو تو تم اسے ایک بھلائی کی طرف جلدی پہنچا رہے ہو، اور اگر وہ اس کے سوا (برا) ہو تو تم ایک برائی کو اپنی گردنوں سے اتار رہے ہو۔“ [صحيح الجامع الصغير وزيادته/[حرف الألف] -- أر/حدیث: 964]

(نبی کریم صلی اللہ علیہ وسلم نے فرمایا:)
”ایک شخص نے (گناہ کر کے) اپنی جان پر بہت زیادتی کی، جب اس کی موت کا وقت قریب آیا تو اس نے اپنے بیٹوں کو وصیت کی اور کہا: جب میں مر جاؤں تو مجھے جلا دینا، پھر میری ہڈیوں کو پیس ڈالنا، پھر مجھے سمندر میں اڑا دینا، کیونکہ اللہ کی قسم! اگر میرے رب نے مجھ پر قابو پا لیا تو وہ مجھے ایسا عذاب دے گا جو اس نے کسی کو نہ دیا ہوگا۔ چنانچہ انہوں نے اس کے ساتھ ایسا ہی کیا۔ پھر اللہ تعالیٰ نے زمین کو حکم دیا: جو تو نے لیا ہے اسے واپس کر دے۔ تو وہ فوراً کھڑا ہو گیا۔ اللہ تعالیٰ نے پوچھا: تجھے اس کام پر کس چیز نے ابھارا تھا جو تو نے کیا؟ اس نے عرض کیا: اے میرے رب! تیرے خوف نے۔ چنانچہ اللہ نے اسی وجہ سے اس کی مغفرت فرما دی۔“ [صحيح الجامع الصغير وزيادته/[حرف الألف] -- أر/حدیث: 965]