حضرت ابراہیم فرماتے ہیں کہ جب یہودی یا نصرانی عورتوں کو قیدی بنایا جائے تو انہیں اسلام کی دعوت دی جائے گی اور اسلام قبول کرنے پر اصرار کیا جائے گا۔ پھر وہ اسلام قبول کریں یا نہ کریں ان سے جماع کیا جاسکتا ہے اور ان سے خدمت بھی لی جاسکتی ہے۔ [مصنف ابن ابي شيبه/كتاب النكاح/حدیث: 17106]

حضرت مکحول فرماتے ہیں کہ آدمی یہودی یاعیسائی باندی سے وطی کرسکتا ہے۔ [مصنف ابن ابي شيبه/كتاب النكاح/حدیث: 17107]

حضرت حسن فرماتے ہیں کہ آدمی یہودی یاعیسائی باندی سے وطی کرسکتا ہے۔ [مصنف ابن ابي شيبه/كتاب النكاح/حدیث: 17108]

حضرت مجاہد فرماتے ہیں کہ جب آدمی کو کوئی مشرکہ باندی حاصل ہوتولا الہ الا اللہ کی گواہی دینے کی دعوت دے۔ اگر وہ انکار بھی کردے تب بھی وہ اس سے جماع کرسکتا ہے۔ [مصنف ابن ابي شيبه/كتاب النكاح/حدیث: 17109]

حضرت عبدا للہ مشرکہ باندی سے صحبت کو مکروہ قرار دیتے تھے۔ [مصنف ابن ابي شيبه/كتاب النكاح/حدیث: 17110]

حضرت زہری فرماتے ہیں کہ اگر کسی آدمی کے پاس اہل کتاب کی باندی ہو تو آدمی اگر چاہے تو اس سے جماع کرسکتا ہے۔ اور اسے غسل پر مجبور کرسکتا ہے۔ [مصنف ابن ابي شيبه/كتاب النكاح/حدیث: 17111]

حضرت ابن مسعود رضی اللہ عنہ فرماتے ہیں کہ قیدی عورت سے آدمی اس وقت تک جماع نہ کرے جب تک وہ لا الہ الا اللہ کا اقرارکرکے اسلام قبول نہ کرلے۔ [مصنف ابن ابي شيبه/كتاب النكاح/حدیث: 17112]

حضرت عمرو بن ہرم فرماتے ہیں کہ حضرت جابر بن زید سے سوال کیا گیا کہ اگر کوئی آدمی کسی قیدی باندی کو خرید لے تو کیا اس سے جماع کرسکتا ہے؟ انہوں نے فرمایا کہ اس وقت تک جماع نہیں کرسکتا جب تک اسے نماز، غسلِ جنابت اور زیرناف بال صاف کرنا نہ سکھا دے۔ [مصنف ابن ابي شيبه/كتاب النكاح/حدیث: 17113]

حضرت حسن بن محمد فرماتے ہیں کہ نبی پاک صلی اللہ علیہ وسلم نے ہجر کے مجوسیوں کے بارے میں حکم دیتے ہوئے خط لکھا کہ انہیں اسلام کی دعوت دی جائے اور جو اسلام لے آئے اس کا اسلام قبول کرلیا جائے اور جو اسلام قبول نہ کرے اس پر جزیہ مقرر کردیا جائے۔ البتہ ان کی عورتوں سے نکاح نہیں کیا جائے گا اور ان کا ذبیحہ نہیں کھایاجائے گا۔ [مصنف ابن ابي شيبه/كتاب النكاح/حدیث: 17114]