حضرت شعبی اور ابراہیم فرماتے ہیں کہ سال پورا ہونے پر عورت کو اختیار دیا جائے گا چاہے تو نکاح کو باقی رکھے اور چاہے تو ختم کردے۔ [مصنف ابن ابي شيبه/كتاب النكاح/حدیث: 17317]

حضرت شعبی اور ابراہیم فرماتے ہیں کہ سال کے آخر میں عورت کو اختیار دیا جائے گا، اگر چاہے تو اس کے پاس رہے اور اگر چاہے تو اس سے جدا ہوجائے۔ [مصنف ابن ابي شيبه/كتاب النكاح/حدیث: 17318]

حضرت شریح فرماتے ہیں کہ حضرت عمر رضی اللہ عنہ نے مجھے خط لکھا کہ نامرد کو ایک سال کی مہلت دو، اگر وہ جماع پر قادر ہوجائے تو ٹھیک ورنہ عورت کو اختیار دے دو، چاہے تو نکاح کو باقی رکھے اور چاہے تو ختم کردے۔ [مصنف ابن ابي شيبه/كتاب النكاح/حدیث: 17319]