سیدنا مالک بن حویرث رضی اللہ عنہ بیان کرتے ہیں: وہ لوگ نبی کریم صلی اللہ علیہ وسلم کی خدمت میں حاضر ہوئے، ان کے ساتھ ان کے ایک ساتھی بھی تھے، نبی کریم صلی اللہ علیہ وسلم نے ان دونوں سے یہ فرمایا: ”جب نماز کا وقت ہو جائے، تو تم دونوں اذان دینا، تم دونوں اقامت کہنا اور تم دونوں میں سے وہ شخص امامت کروائے جو تم دونوں میں سے عمر میں بڑا ہو اور تم اسی طرح نماز ادا کرنا جس طرح تم نے مجھے نماز ادا کرتے ہوئے دیکھا ہے۔“ [سنن الدارقطني/ كِتَابُ الصَّلَاةِ/حدیث: 1311]

سیدنا ابوہریرہ رضی اللہ عنہ بیان کرتے ہیں: نبی کریم صلی اللہ علیہ وسلم نے یہ بات ارشاد فرمائی ہے: ”اگر تم یہ چاہتے ہو کہ تمہاری نماز پاکیزہ ہو جائے، تو تم اپنے نیک لوگوں کو آگے کرو (یعنی ان سے امامت کرواؤ)۔“ ابوالولید نامی راوی خالد بن اسماعیل ہے اور یہ ضعیف ہے۔ [سنن الدارقطني/ كِتَابُ الصَّلَاةِ/حدیث: 1312]