سیدنا عبداللہ بن عباس رضی اللہ عنہما روایت کرتے ہیں، نبی کریم صلی اللہ علیہ وسلم نے یہ بات ارشاد فرمائی: ”جب کوئی شخص کوئی نماز بھول جائے اور پھر وہ نماز اسے اس وقت یاد آئے، جب وہ کوئی دوسری نماز پڑھ رہا ہو، تو اسے چاہیے کہ پہلے اپنی موجودہ نماز ادا کر لے، جب اس سے فارغ ہو جائے، تو پھر وہ نماز ادا کرے، جسے وہ بھول گیا تھا۔“ [سنن الدارقطني/ كِتَابُ الصَّلَاةِ/حدیث: 1558]

سیدنا عبداللہ بن عمر رضی اللہ عنہما فرماتے ہیں: ”جب کوئی شخص کوئی نماز بھول جائے اور پھر اسے وہ نماز اس وقت یاد آئے، جب وہ امام کی اقتداء میں ہو، تو اسے چاہیے کہ امام کی اقتداء والی نماز ادا کر لے، جب اس نماز سے فارغ ہو جائے، تو پھر وہ نماز ادا کرے، جسے وہ بھول گیا تھا، پھر اسے چاہیے کہ اس نماز کو دوبارہ ادا کرے، جو اس نے امام کے ساتھ ادا کی تھی۔“ [سنن الدارقطني/ كِتَابُ الصَّلَاةِ/حدیث: 1559]

بعض راویوں نے اسے مرفوع حدیث کے طور پر نقل کیا ہے، لیکن اس بارے میں ان راویوں کو وہم ہوا ہے۔ [سنن الدارقطني/ كِتَابُ الصَّلَاةِ/حدیث: 1560]