حضرت سعید بن جبیر رحمہ اللہ اور حضرت شعبی رحمہ اللہ دونوں نے بھی یہی فرمایا۔ [سنن سعید بن منصور/كِتَابُ الطَّلَاقِ/حدیث: 2801]

حضرت جابر بن زید رحمہ اللہ نے فرمایا: ”جب مرد بیوی سے کہے کہ تیرا معاملہ تیرے ہاتھ میں ہے تو جو وہ اسی مجلس میں کہے گی وہ نافذ ہو گا، اگر دونوں جدا ہو جائیں تو اب کچھ نہیں، مرد بازار میں گھومتے ہوئے اپنی بیوی کے اختیار میں نہیں رہ سکتا۔“ [سنن سعید بن منصور/كِتَابُ الطَّلَاقِ/حدیث: 2802]

سیدنا ابن مسعود رضی اللہ عنہ سے روایت ہے: ”جب عورت مجلس سے اٹھ جائے تو اب اسے کوئی اختیار نہیں۔“ [سنن سعید بن منصور/كِتَابُ الطَّلَاقِ/حدیث: 2803]

سیدنا جابر رضی اللہ عنہ سے روایت ہے: ”جب عورت مجلس سے اٹھ جائے قبل اس کے کہ وہ کوئی اختیار کرے تو اب اس کا کوئی اختیار نہیں۔“ [سنن سعید بن منصور/كِتَابُ الطَّلَاقِ/حدیث: 2804]

حضرت عطاء رحمہ اللہ سے روایت ہے کہ فرمایا: ”جب مرد بیوی کو اختیار دے اور بیوی شوہر کو اختیار کرے تو کچھ نہیں، لیکن اگر اپنے آپ کو اختیار کرے تو ایک طلاق واقع ہو گی اور شوہر اس کا زیادہ حق دار ہے۔“ [سنن سعید بن منصور/كِتَابُ الطَّلَاقِ/حدیث: 2805]

حضرت مکحول رحمہ اللہ سے روایت ہے کہ فرمایا: ”اگر مرد بیوی کو اختیار دے اور عورت اس اختیار کو مؤخر کر دے تو اب اس کا کوئی اختیار نہیں۔“ [سنن سعید بن منصور/كِتَابُ الطَّلَاقِ/حدیث: 2806]

حضرت عطاء رحمہ اللہ سے بھی یہی روایت ہے۔ [سنن سعید بن منصور/كِتَابُ الطَّلَاقِ/حدیث: 2807]

حضرت ابراہیم رحمہ اللہ سے روایت ہے کہ ایک شخص نے اپنی بیوی کو خط لکھ کر اختیار دیا، بیوی نے خط کو تکیہ کے نیچے رکھ دیا اور کچھ نہ کہا، تو فرمایا: ”اب اس کا کوئی اختیار نہیں۔“ [سنن سعید بن منصور/كِتَابُ الطَّلَاقِ/حدیث: 2808]

حضرت شعبی رحمہ اللہ نے فرمایا: ”جب مرد اپنی بیوی کو تین مرتبہ اختیار دے اور بیوی ایک مرتبہ اختیار کرے تو تین طلاقیں ہو جائیں گی، اور اگر ایک مرتبہ اختیار دے اور وہ تین کہے تو صرف ایک طلاق ہو گی۔“ [سنن سعید بن منصور/كِتَابُ الطَّلَاقِ/حدیث: 2809]

حضرت ابراہیم رحمہ اللہ نے بھی اسی طرح فرمایا۔ [سنن سعید بن منصور/كِتَابُ الطَّلَاقِ/حدیث: 2810]