رسول اللہ صلی اللہ علیہ وسلم کے آزاد کردہ غلام سیدنا سفینہ رضی اللہ عنہ فرماتے ہیں: جب رسول اللہ صلی اللہ علیہ وسلم مسجد تعمیر فرما رہے تھے تو سیدنا ابوبکر رضی اللہ عنہ ایک پتھر لے کر آئے اور اس کو لگا دیا، پھر سیدنا عمر رضی اللہ عنہ نے ایک پتھر لا کر لگا دیا، پھر سیدنا عثمان رضی اللہ عنہ نے ایک پتھر لا کر لگا دیا، تو رسول اللہ صلی اللہ علیہ وسلم نے فرمایا: یہی لوگ (اسی ترتیب سے) میرے بعد امور سلطنت کے والی ہوں گے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْهِجْرَةِ/حدیث: 4330]