ابراہیم بن منذر فرماتے ہیں کہ سیدنا ابوقتادہ بن ربعی بنی سلمہ کے فرد ہیں، ان کا انتقال 54 ہجری کو مدینہ میں ہوا۔ وفات کے وقت ان کی عمر ستر برس تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6146]

سیدنا یحیی بن معین فرماتے ہیں کہ رسول اللہ صلی اللہ علیہ وسلم کے آزاد کردہ غلام سیدنا ثوبان کی کنیت ” ابوعبداللہ “ تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6147]

خلیفہ بن خیاط فرماتے ہیں کہ رسول اللہ صلی اللہ علیہ وسلم کے آزاد کردہ غلام سیدنا ثوبان رضی اللہ عنہ کی پیدائش یمن میں ہوئی، پھر یہ قیدی ہو کر آپ صلی اللہ علیہ وسلم کے پاس آئے، رسول اللہ صلی اللہ علیہ وسلم نے ان پر احسان کرتے ہوئے ان کو آزاد کر دیا تھا، ان کی کنیت ” ابوعبداللہ “ تھی۔ اور 54 ہجری کو حمس میں ان کا انتقال ہوا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6148]