حضرت ابو ہریرہ رضی اللہ عنہ سے روایت ہے، انہوں نے فرمایا: نبی کریم صلی اللہ علیہ وسلم دوپہر کے وقت (ظہر کی نماز کے اول وقت میں، مسجد میں) تشریف لے گئے۔ میں بھی اول وقت (مسجد میں) چلا گیا۔ میں نے (نفل) نماز پڑھی، پھر بیٹھ گیا۔ نبی کریم صلی اللہ علیہ وسلم میری طرف متوجہ ہوئے اور فرمایا: «أَشِكَمَت دَرْد؟» ”کیا تیرے پیٹ میں درد ہے؟“ میں نے کہا: ہاں، اے اللہ کے رسول صلی اللہ علیہ وسلم ! آپ صلی اللہ علیہ وسلم نے فرمایا: ”اٹھ کر نماز پڑھ؛ کیونکہ نماز میں شفا ہے۔“ ایک روایت میں ہے کہ آپ صلی اللہ علیہ وسلم نے فارسی میں کہا: «أَشِكَمَت دَرْد؟» ”کیا تیرے پیٹ میں درد ہے؟“ [سنن ابن ماجه/كتاب الطب/حدیث: 3458]