سیدنا عبداللہ بن عمرو رضی اللہ عنہما بیان کرتے ہیں: میں نے نبی کریم صلی اللہ علیہ وسلم کو اپنا چہرہ مبارک اور سینہ ملتزم کے ساتھ ملاتے ہوئے دیکھا ہے۔ [سنن الدارقطني/ كتاب الحج/حدیث: 2740]

سیدنا عبداللہ بن عباس رضی اللہ عنہما بیان کرتے ہیں: نبی کریم صلی اللہ علیہ وسلم نے حجر اسود پر پیشانی لگائی۔ [سنن الدارقطني/ كتاب الحج/حدیث: 2741]

عطاء بیان کرتے ہیں: میں نے سیدنا ابوسعید خدری، سیدنا ابوہریرہ، سیدنا عبداللہ بن عمر، سیدنا جابر بن عبداللہ رضی اللہ عنہم کو دیکھا ہے، یہ حضرات جب حجر اسود کو استلام کرتے تھے، تو اپنے ہاتھوں کو بوسہ دیا کرتے تھے۔ راوی بیان کرتے ہیں: میں نے دریافت کیا: ”آپ نے سیدنا ابن عباس کو بھی ایسا کرتے ہوئے دیکھا ہے؟“ تو انہوں نے جواب دیا: ”سیدنا ابن عباس کو میں نے کئی دفعہ ایسا کرتے ہوئے دیکھا ہے۔“ [سنن الدارقطني/ كتاب الحج/حدیث: 2742]

سیدنا عبداللہ بن عباس رضی اللہ عنہما بیان کرتے ہیں: نبی کریم صلی اللہ علیہ وسلم رکن یمانی کو بوسہ دیا کرتے تھے اور آپ اپنا رخسار مبارک اس پر رکھ دیتے تھے۔ [سنن الدارقطني/ كتاب الحج/حدیث: 2743]

سیدنا جابر بن عبداللہ رضی اللہ عنہ نے نبی کریم صلی اللہ علیہ وسلم کا یہ فرمان نقل کیا ہے: ”خشکی کا شکار تمہارے لیے حلال قرار دیا گیا ہے، جبکہ تم احرام کی حالت میں ہو، اس وقت جب تم نے اسے خود شکار نہ کیا ہو، اسے تمہارے لیے شکار نہ کیا گیا ہو۔“ [سنن الدارقطني/ كتاب الحج/حدیث: 2744]

یہی روایت ایک اور سند کے ہمراہ سیدنا جابر سے منقول ہے۔ [سنن الدارقطني/ كتاب الحج/حدیث: 2745]

یہی روایت ایک اور سند کے ہمراہ سیدنا جابر رضی اللہ عنہ سے منقول ہے۔ [سنن الدارقطني/ كتاب الحج/حدیث: 2746]

یہی روایت ایک اور سند کے ہمراہ سیدنا جابر رضی اللہ عنہ سے منقول ہے۔ [سنن الدارقطني/ كتاب الحج/حدیث: 2747]

یہی روایت ایک اور سند کے ہمراہ سیدنا جابر رضی اللہ عنہ کے حوالے سے نبی کریم صلی اللہ علیہ وسلم سے منقول ہے۔ [سنن الدارقطني/ كتاب الحج/حدیث: 2748]

عبداللہ بن ابوقتادہ اپنے والد (سیدنا ابوقتادہ رضی اللہ عنہ) کا یہ بیان نقل کرتے ہیں: حدیبیہ کے موقع پر میں نبی کریم صلی اللہ علیہ وسلم کے ساتھ (عمرہ کرنے کے لیے) روانہ ہوا۔ میرے ساتھیوں نے احرام باندھ لیا، لیکن میں نے احرام نہیں باندھا۔ میں نے ایک نیل گائے کو دیکھا اور اس پر حملہ کر کے اسے شکار کر لیا۔ پھر میں نے یہ واقعہ نبی کریم صلی اللہ علیہ وسلم کو سنایا، اس بات کا ذکر کیا کہ میں نے اس وقت احرام نہیں باندھا ہوا تھا اور میں نے اسے آپ کے لیے شکار کیا ہے۔ تو نبی کریم صلی اللہ علیہ وسلم نے اپنے ساتھیوں کو حکم دیا کہ ان حضرات نے وہ گوشت کھا لیا، لیکن نبی کریم صلی اللہ علیہ وسلم نے اسے نہیں کھایا کیونکہ میں نے آپ کو یہ بتا دیا تھا کہ میں نے اسے آپ کے لیے شکار کیا ہے۔ روایت کے یہ الفاظ ہیں: ”یہ میں نے آپ کے لیے شکار کیا ہے۔“ اور یہ الفاظ کہ نبی کریم صلی اللہ علیہ وسلم نے اسے نہیں کھایا، اس کا تذکرہ صرف معمر رحمہ اللہ نامی راوی نے کیا ہے۔ تمام مسلمان اس بات پر متفق ہیں کہ اللہ کا یہ فرمان ایک محکم آیت ہے: ”اے ایمان والو! جب تم احرام کی حالت میں ہو، تو اس وقت شکار کو قتل نہ کرو۔“ [سنن الدارقطني/ كتاب الحج/حدیث: 2749]