🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
27. بَابٌ فِيمَنْ أَعْطَى عَطِيَّةً، ثُمَّ وَرِثَهَا .
جو شخص عطیہ کے طور پر کوئی چیز دے اور پھر اس کا وارث بن جائے
اظهار التشكيل
حدیث نمبر: 7192
عَنْ جَابِرِ بْنِ عَبْدِ اللَّهِ أَنَّ رَجُلًا مِنَ الْأَنْصَارِ أَعْطَى أُمَّهُ حَدِيقَةً مِنْ نَخْلٍ حَيَاتَهَا، فَمَاتَتْ فَجَاءَ إِخْوَتُهُ فَقَالُوا: نَحْنُ فِيهَا شَرَعٌ سَوَاءٌ. فَأَبَى فَاخْتَصَمُوا إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَسَّمَهُ بَيْنَهُمْ مِيرَاثًا.
قُلْتُ: رَوَاهُ أَبُو دَاوُدَ بِغَيْرِ سِيَاقِهِ.
رَوَاهُ أَحْمَدُ، وَرِجَالُهُ رِجَالُ الصَّحِيحِ.
سیدنا جابر بن عبدالله رضی اللہ عنہ بیان کرتے ہیں: انصار سے تعلق رکھنے والے ایک شخص نے، اپنی والدہ کو ان کی زندگی میں کھجور کا ایک باغ عطیہ کے طور پر دیا، اس خاتون کا انتقال ہو گیا، اُس کے بھائی آئے اور انہوں نے کہا: ہم اس میں برابر کے حصہ دار ہوں گے اس شخص نے انکار کیا، اُن لوگوں نے اپنا مقدمہ نبی اکرم صلی اللہ علیہ وسلم کے سامنے پیش کیا، تو نبی اکرم صلی اللہ علیہ وسلم نے وہ باغ ان لوگوں کے درمیان وراثت کے طور پر تقسیم کر دیا۔ (علامہ ہیثمی فرماتے ہیں:) میں یہ کہتا ہوں:
یہ روایت امام ابوداؤد نے اس سیاق کے بغیر نقل کی ہے۔
یہ روایت امام أحمد نے نقل کی ہے اور اس کے رجال صحیح کے رجال ہیں۔ [مجمع الزاوئد ومنبع الفوائد/كتاب الفرائض/حدیث: 7192]
تخریج الحدیث: «أخرجه مسند أحمد برقم: 13785، وأخرجه إتحاف الخيرة المهرة بزوائد المسانيد العشرة برقم: 3055/1»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 7193
وَعَنْ عَبْدِ اللَّهِ بْنِ عَمْرٍو أَنَّ رَجُلًا قَالَ: يَا رَسُولَ اللَّهِ إِنِّي أَعْطَيْتُ أُمِّي حَدِيقَةً فِي حَيَاتِهَا، وَإِنَّهَا تُوُفِّيَتْ، وَلَمْ تَدَعْ وَارِثًا غَيْرِي؟ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - - أَحْسَبُهُ قَالَ:" إِنَّ اللَّهَ تَبَارَكَ وَتَعَالَى رَدَّ عَلَيْكَ حَدِيقَتَكَ وَقَبِلَ صَدَقَتَكَ".
رَوَاهُ الْبَزَّارُ، وَإِسْنَادُهُ حَسَنٌ.
سیدنا عبداللہ بن عمرو رضی اللہ عنہ بیان کرتے ہیں: ایک شخص نے عرض کی: یا رسول اللہ میں نے اپنی والدہ کو ان کی زندگی میں ایک باغ عطیہ کے طور پر دیا، اُن کا انتقال ہو گیا، انہوں نے میرے علاوہ کوئی اور وارث نہیں چھوڑا؟ تو نبی اکرم صلی اللہ علیہ وسلم نے ارشاد فرمایا۔ راوی کہتے ہیں: میرا خیال ہے روایت میں یہ الفاظ ہیں: ”اللہ تعالیٰ نے تمہارا باغ تمہیں واپس کر دیا ہے اور تمہارا صدقہ قبول کر لیا ہے“۔
یہ روایت امام بزار نے نقل کی ہے اور اس کی سند حسن ہے۔ [مجمع الزاوئد ومنبع الفوائد/كتاب الفرائض/حدیث: 7193]
تخریج الحدیث: «أخرجه سنن ابن ماجه برقم: 2395، وأخرجه مسند أحمد برقم: 6692، وأخرجه مسند البزار برقم: 2471»

الحكم على الحديث:
إسنادہ حسن۔
مزید تخریج الحدیث شرح دیکھیں
اظهار التشكيل
حدیث نمبر: 7194
وَعَنْ سِنَانِ بْنِ مَسْلَمَةَ أَنَّ رَجُلًا مِنَ الْمُهَاجِرِينَ تَصَدَّقَ بِأَرْضٍ (لَهُ) عَظِيمَةٍ عَلَى أُمِّهِ فَمَاتَتْ وَلَيْسَ لَهَا وَارِثٌ غَيْرُهُ، فَأَتَى النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ: إِنَّ أُمِّي فُلَانَةً كَانَتْ مِنْ أَحَبِّ النَّاسِ إِلَيَّ وَأَعَزِّهِ عَلَيَّ، وَإِنِّي تَصَدَّقْتُ عَلَيْهَا بِأَرْضٍ (لِي) عَظِيمَةٍ فَمَاتَتْ وَلَيْسَ لَهَا وَارِثٌ غَيْرِي، فَكَيْفَ تَأْمُرُنِي أَنْ أَصْنَعَ بِهَا؟ فَقَالَ:" أَوْجَبَ اللَّهُ أَجْرَكَ وَرَدَّ عَلَيْكَ أَرْضَكَ، اصْنَعْ مَا شِئْتَ".
رَوَاهُ الطَّبَرَانِيُّ، وَرِجَالُهُ ثِقَاتٌ.
سنان بن مسلمہ بیان کرتے ہیں: مہاجرین سے تعلق رکھنے والے ایک شخص نے اپنی ایک بڑی زمین، اپنی والدہ کو صدقے کے طور پر دے دی، اس خاتون کا انتقال ہو گیا، اس خاتون کا وارث اس شخص کے علاوہ اور کوئی نہیں تھا، وہ شخص نبی اکرم صلی اللہ علیہ وسلم کی خدمت میں حاضر ہوا، اُس نے عرض کی: میری والدہ جو فلاں خاتون ہیں، وہ میرے نزدیک سب سے زیادہ محبوب اور سب سے زیادہ معزز تھیں، میں نے انہیں بڑی زمین صدقہ کے طور پر دی تھی، اُن کا انتقال ہو گیا ہے، ان کا وارث میرے علاوہ کوئی اور نہیں ہے، تو اب آپ مجھے کیا ہدایت کرتے ہیں؟ میں اس زمین کے بارے میں کیا کروں؟ نبی اکرم صلی اللہ علیہ وسلم نے ارشاد فرمایا: ”اللہ تعالیٰ نے تمہارے اجر کو واجب کر دیا، اور تمہاری زمین تمہیں واپس کر دی، اب تم جو چاہو کرو“۔
یہ روایت امام طبرانی نے نقل کی ہے اور اس کے رجال ثقہ ہیں۔ [مجمع الزاوئد ومنبع الفوائد/كتاب الفرائض/حدیث: 7194]
تخریج الحدیث: «اخرجه الطبراني فى المعجم الكبير (6493)، أخرجه المعجم الكبير للطبراني برقم: 6493، وأخرجه السنن الكبرى للنسائي برقم: 6565»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 7195
وَعَنْ عُبَادَةَ - يَعْنِي ابْنَ الصَّامِتِ - أَنَّ رَجُلًا أَتَى النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ كُلُّ شَيْءٍ لِي فَهُوَ صَدَقَةٌ إِلَّا فَرَسِي. وَكَانَتْ لَهُ أَرْضٌ فَقَبَضَهَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَجَعَلَهَا فِي الْأَوْفَاضِ، فَجَاءَ أَبَوَاهُ، فَقَالَا: يَا رَسُولَ اللَّهِ أَطْعِمْنَا مِنْ صَدَقَةِ ابْنِنَا مَا لَنَا شَيْءٌ، وَإِنَّا لَنَطُوفُ مَعَ الْأَوْفَاضِ. فَأَخَذَهَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَرَجَّعَهَا إِلَيْهِمَا، فَمَاتَا فَوَرِثَهَا ابْنُهُمَا الَّذِي كَانَ تَصَدَّقَ بِهَا، فَأَتَى النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ صَدَقَتِي الَّتِي كُنْتُ تَصَدَّقْتُ بِهَا فَدَفَعْتَهَا إِلَى وَالِدَيَّ فَمَاتَا فَوَرِثْتُهُمَا أَفَحَلَالٌ هِيَ لِي؟ قَالَ:" نَعَمْ فَكُلْهَا هَنِيئًا".
رَوَاهُ الطَّبَرَانِيُّ. وَإِسْحَاقُ بْنُ يَحْيَى لَمْ يُدْرِكْ عُبَادَةَ.
سیدنا عبادہ بن صامت رضی اللہ عنہ بیان کرتے ہیں: ایک شخص نبی اکرم صلی اللہ علیہ وسلم کی خدمت میں حاضر ہوا، اس نے عرض کی: یا رسول اللہ! میری ہر چیز صدقہ ہے، البتہ میرے اس گھوڑے کا معاملہ مختلف ہے، اس شخص کی زمین تھی، نبی اکرم صلی اللہ علیہ وسلم نے وہ زمین قبضے میں لی اور محتاج لوگوں میں اسے تقسیم کرنا شروع کی، اُس کے ماں باپ آئے اور انہوں نے عرض کی: یا رسول اللہ! آپ ہمارے بیٹے کے صدقہ کیے ہوئے، میں سے ہمیں بھی کھانے کے لئے دیں، ہمارے پاس کوئی چیز نہیں ہے، ہم بھی غریب لوگوں کے ساتھ چکر لگاتے پھرتے ہیں، نبی اکرم صلی اللہ علیہ وسلم نے وہ زمین لی اور وہ ان دونوں کو واپس کر دی، جب ان دونوں کا انتقال ہوا، تو ان دونوں کا بیٹا اس کا وارث بنا، جس نے وہ زمین صدقہ کے طور پر دی تھی، وہ نبی اکرم صلی اللہ علیہ وسلم کی خدمت میں حاضر ہوا، اس نے عرض کی: یا رسول اللہ! میرا وہ صدقہ، جو میں نے صدقہ کیا تھا، اور آپ نے وہ میرے والدین کے حوالے کر دیا تھا، اب ان دونوں کا انتقال ہو گیا ہے، اور اب میں ان کا وارث بنا ہوں، تو کیا وہ زمین میرے لئے حلال ہے؟ نبی اکرم صلی اللہ علیہ وسلم نے فرمایا: جی ہاں! تم خوش ہو کر اسے کھاؤ۔
یہ روایت امام طبرانی نے نقل کی ہے اور اسحاق بن یحییٰ نامی راوی نے سیدنا عبادہ رضی اللہ عنہ کا زمانہ نہیں پایا ہے۔ [مجمع الزاوئد ومنبع الفوائد/كتاب الفرائض/حدیث: 7195]

الحكم على الحديث:
إسناده منقطع
مزید تخریج الحدیث شرح دیکھیں
اظهار التشكيل
حدیث نمبر: 7196
وَعَنْ بِشْرِ بْنِ مُحَمَّدِ بْنِ عَبْدِ اللَّهِ بْنِ زَيْدٍ الَّذِي أَدَّى النِّدَاءَ عَنْ أَبِيهِ قَالَ: تَصَدَّقَ عَبْدُ اللَّهِ بْنُ زَيْدٍ بِمَالٍ لَمْ يَكُنْ لَهُ مَالٌ غَيْرُهُ، وَكَانَ يَعِيشُ فِيهِ هُوَ وَوَلَدُهُ فَدَفَعَهُ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَجَاءَ أَبُوهُ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ إِنَّ عَبْدَ اللَّهِ بْنَ زَيْدٍ تَصَدَّقَ بِمَالِهِ، وَهُوَ الَّذِي كَانَ يَعِيشُ فِيهِ. فَدَعَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَبْدَ اللَّهِ بْنَ زَيْدٍ فَقَالَ:" إِنَّ اللَّهَ عَزَّ وَجَلَّ قَدْ قَبِلَ صَدَقَتَكَ فَرَدَّهَا مِيرَاثًا عَلَى أَبَوَيْكَ".
قَالَ بَشِيرٌ: فَتَوَارَثْنَاهَا.
رَوَاهُ الطَّبَرَانِيُّ. وَبَشِيرٌ هَذَا لَمْ أَجِدْ مَنْ تَرْجَمَهُ. وَبَقِيَّةُ رِجَالِهِ رِجَالُ الصَّحِيحِ.
بشیر بن محمد بن عبداللہ بن زید، جنہوں نے اذان سے متعلق روایت، اپنے والد کے حوالے سے نقل کی ہے، وہ بیان کرتے ہیں: سیدنا عبداللہ بن زید رضی اللہ عنہ نے ایک مال صدقہ کیا، اُن کے پاس اس کے علاوہ اور کوئی مال نہیں تھا، وہ اور ان کی اولاد اُسی کے حوالے سے گزر بسر کرتے تھے، انہوں نے وہ مال نبی اکرم صلی اللہ علیہ وسلم کے حوالے کر دیا، ان کے والد نبی اکرم صلی اللہ علیہ وسلم کی خدمت میں حاضر ہوئے اور عرض کی: یا رسول اللہ! عبداللہ بن زید نے اپنا مال صدقہ کر دیا ہے، اور یہ وہی مال تھا، جس پر اُس کی گزر بسر ہوتی تھی، نبی اکرم صلی اللہ علیہ وسلم نے عبداللہ بن زید کو بلایا اور فرمایا: ”اللہ تعالیٰ نے تمہارا صدقہ قبول کر لیا ہے اور اس مال کو وراثت کے طور پر تمہارے ماں باپ کو واپس کر دیا ہے“۔ بشیر نامی راوی کہتے ہیں: تو ہم اس زمین کے وارث بنے تھے۔
یہ روایت امام طبرانی نے نقل کی ہے، بشیر نامی اس راوی کے حالات بیان کرتے ہوئے میں نے کسی کو نہیں پایا ہے، اس روایت کے بقیہ رجال صحیح کے رجال ہیں۔ [مجمع الزاوئد ومنبع الفوائد/كتاب الفرائض/حدیث: 7196]

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 7197
وَعَنْ أَبِي هُرَيْرَةَ أَنَّ رَجُلًا مِنَ الْأَنْصَارِ أَتَى رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ مَالِي كُلُّهُ صَدَقَةٌ. قَالَ: فَافْتَقَرَ أَبَوَاهُ حَتَّى جَلَسَا مَعَ الْأَوْفَاضِ، ثُمَّ جَاءَا إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَا: يَا رَسُولَ اللَّهِ كَانَ ابْنُنَا أَكْثَرَ الْأَنْصَارِ مَالًا فَتَصَدَّقَ بِمَالِهِ وَافْتَقَرْنَا حَتَّى جَلَسْنَا مَعَ الْأَوْفَاضِ. قَالَ:" صَدَقَةُ ابْنِكُمَا رَدٌّ عَلَيْكُمَا".
ثُمَّ تُوُفِّيَا فَأَرْسَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى ابْنِهِمَا:" أَنِ ارْدُدِ الصَّدَقَةَ، فَإِنَّ الصَّدَقَةَ لَا تُوَرَّثُ، وَلَا تُعْتَمَرُ".
رَوَاهُ الطَّبَرَانِيُّ فِي الْأَوْسَطِ، وَفِيهِ إِسْحَاقُ بْنُ عَبْدِ اللَّهِ بْنِ أَبِي فَرْوَةَ، وَهُوَ مَتْرُوكٌ.
سیدنا ابوہریرہ رضی اللہ عنہ بیان کرتے ہیں: انصار سے تعلق رکھنے والا ایک شخص نبی اکرم صلی اللہ علیہ وسلم کی خدمت میں حاضر ہوا، اس نے عرض کی: یا رسول اللہ! میرا پورا مال صدقہ ہے، راوی بیان کرتے ہیں: اس کے ماں باپ غریب ہو گئے اور محتاجوں کے ساتھ بیٹھ گئے، پھر وہ دونوں نبی اکرم صلی اللہ علیہ وسلم کی خدمت میں حاضر ہوئے اور انہوں نے عرض کی: یا رسول اللہ! ہمارے بیٹے کے پاس انصار میں سب سے زیادہ زمین تھی، اس نے اپنا مال (یعنی زمین) صدقہ کر دی اور ہم محتاج ہو گئے، یہاں تک کہ محتاجوں کے ساتھ بیٹھ گئے ہیں، تو نبی اکرم صلی اللہ علیہ وسلم نے فرمایا: تمہارے بیٹے کا صدقہ تمہاری طرف واپس آ جائے گا۔ پھر ان دونوں کا انتقال ہو گیا، نبی اکرم صلی اللہ علیہ وسلم نے اُن کے بیٹے کی طرف پیغام بھیجا کہ تم صدقہ واپس کر دو! کیونکہ صدقہ وراثت میں منتقل نہیں ہوتا، اور عمری کے طور پر نہیں دیا جاتا۔
یہ روایت امام طبرانی نے معجم اوسط میں نقل کی ہے، اس کی سند میں ایک راوی اسحاق بن عبداللہ بن ابوفروہ ہے، اور وہ متروک ہے۔ [مجمع الزاوئد ومنبع الفوائد/كتاب الفرائض/حدیث: 7197]
تخریج الحدیث: «أخرجه المعجم الأوسط للطبراني برقم: 8734»

الحكم على الحديث:
ضعیف جداً
مزید تخریج الحدیث شرح دیکھیں