الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
متفرق
حدیث نمبر: 31 |
|
سیدنا عبداللہ بن عمر رضی اللہ عنہ سے مروی ہے، انہوں نے کہا: میں نے رسول اللہ صلی اللہ علیہ وسلم کو کبھی بھی جمعہ کے دن روزے کے بغیر نہیں دیکھا۔
تخریج الحدیث: «مسند ابي يعلي: 10/71: رقم الحديث: 5709، مصنف ابن ابي شيبة: 2/303: رقم الحديث: 9260»
حسین سلیم أسد نے اسے ’’ضعیف الإسناد‘‘ قرار دیا ہے۔
حسین سلیم أسد نے اسے ’’ضعیف الإسناد‘‘ قرار دیا ہے۔
حكم: إسناده ضعيف
حدیث نمبر: 32 |
|
جعفر کہتے ہیں میں عبد اللہ بن عمر اور ابو سعید خدری رضی اللہ عنہما کے پاس بیٹھا تھا کہ ان میں سے ایک نے دوسرے سے کہا میں نے رسول اللہ صلی اللہ علیہ وسلم کو بیان کرتے ہوئے سنا: ”قیامت کے دن بنی آدم کو پسینہ آئے گا۔“ ان میں سے ایک نے کہا کانوں کی لو تک اور دوسرے نے کہا: منہ تک پہنچ کر لگا م کی طرح ہوگا۔“
تخریج الحدیث: «مسند ابي يعلي: 10/73: رقم الحديث: 5711، مستدرك الحاكم: 4/615: رقم الحديث: 8705، مجمع الزوائد: 10/335: رقم الحديث: 18334»
علامہ ہیثمی، حاکم اور شیخ حسین سلیم اسد نے اسے ’’صحیح‘‘ کہا ہے۔
علامہ ہیثمی، حاکم اور شیخ حسین سلیم اسد نے اسے ’’صحیح‘‘ کہا ہے۔
حكم: صحیح
حدیث نمبر: 33 |
|
سیدنا عبداللہ بن عمر رضی اللہ عنہ سے مروی ہے، ایک اعرابی نے نبی اکرم صلی اللہ علیہ وسلم سے پوچھا: احرام والا کون سے جانور قتل کر سکتا ہے؟تو رسول اللہ صلی اللہ علیہ وسلم نے فرمایا: ”وہ کوا، چیل، چوہیا، کاٹنے والا کتا اور بچھو مار سکتا ہے۔“ ایوب کہتے ہیں میں نے نافع رحمہ اللہ سے سانپوں سے متعلق پوچھا تو انہوں نے کہا: ان کو مارنے میں اختلاف نہیں ہے۔
تخریج الحدیث: «صحيح بخاري: جزاء الصيد: باب ما يقتل المحرم من الدواب: رقم الحديث: 1826، صحيح مسلم: الحج: باب ما يندب للمحرم وغيره … الخ: رقم الحديث: 1199»
حكم: صحیح
حدیث نمبر: 34 |
|
سیدنا عبداللہ بن عمر رضی اللہ عنہ سے مروی ہے، نبی اکرم صلی اللہ علیہ وسلم نے فرمایا: ”جس نے پیوندکاری کے بعد کھجور کا درخت بیچا۔“ تو اس کا (اس سال کا) پھل بیچنے والے کا ہے سوائے اس کے کہ خریدار شرط لگا لے۔“
تخریج الحدیث: «صحيح بخاري: البيوع: باب من باع نخلا قد أبرت…: رقم الحديث: 2204، 2206، صحيح مسلم: البيوع: باب من باع نخلا عليها تمر: رقم الحديث: 1543»
حكم: صحیح
حدیث نمبر: 35 |
|
سیدنا عبداللہ بن عمر رضی اللہ عنہ سے مروی ہے، نبی اکرم صلی اللہ علیہ وسلم نے ایک ڈھال (کی چوری) کی وجہ سے (چور کا) ہاتھ کاٹا جس کی قیمت تین درہم تھی۔
تخریج الحدیث: «صحيح بخاري: الحدود: باب قول اللّٰه تعالىٰ ’’والسارق والسارقة فاقطعوا ايديهما‘‘ وفي كم يقطع؟: رقم الحديث: 6795، 6796، 6798، صحيح مسلم: الحدود: باب حد السرقة ونصابها: رقم الحديث: 1686»
حكم: صحیح
حدیث نمبر: 36 |
|
قال: قال: وقال زيد بن ثابت:" إن رسول الله صلى الله عليه وسلم،" رخص في بيع العرايا بخرصها".
سیدنا عبداللہ بن عمر رضی اللہ عنہ سے مروی ہے، رسول اللہ صلی اللہ علیہ وسلم نے بیع مزابنہ یہ کہ آدمی اپنی زمین کی پیداوار کو معلوم وزن کے عوض اس شرط پر بیچ دے کہ اگر پیداوار زیادہ ہوئی تو اس کو مزید کچھ نہیں ملے گا اور اگر پیداوار وزن سے کم ہوئی تو وہ نقصان کا ذمہ دار ہوگا اسے منع کیا۔
زید بن ثابت رضی اللہ عنہ بیان کرتے ہیں، رسول اللہ صلی اللہ علیہ وسلم نے درخت پر لگی کھجور کی (اندازے کے ساتھ خشک یا تازی کھجور کے عوض) بیع کی رخصت دی۔“
زید بن ثابت رضی اللہ عنہ بیان کرتے ہیں، رسول اللہ صلی اللہ علیہ وسلم نے درخت پر لگی کھجور کی (اندازے کے ساتھ خشک یا تازی کھجور کے عوض) بیع کی رخصت دی۔“
تخریج الحدیث: «صحيح بخاري: البيوع: باب بيع الزبيب بالزبيب والطعام بالطعام: رقم الحديث: 2172، 2173، صحيح مسلم: البيوع: باب تحريم بيع الرطب بالتمر الا فى العرايا: رقم الحديث: 1542»
حكم: صحیح
حدیث نمبر: 37 |
|
نافع رحمہ اللہ سے مروی ہے، عبد اللہ بن عمر رضی اللہ عنہ نے خواب دیکھا گویا ان کے ہاتھ میں ریشم کا ایک ٹکڑا ہے اور وہ جنت کی جس چیز کی طرف جانا چاہتے ہیں وہ ان کو وہاں اڑا کر لے جاتا ہے۔انہوں نے یہ خواب ام المؤمنین سیدہ حفصہ رضی اللہ عنہا کو بیان کیا اور حفصہ رضی اللہ عنہا نے نبی اکرم صلی اللہ علیہ وسلم سے بیان کیا تو آپ صلی اللہ علیہ وسلم نے فرمایا: ”بے شک عبداللہ نیک آدمی ہے۔“
تخریج الحدیث: «صحيح بخاري: التعبير: باب الاستبرق ودخول الجنة فى المنام: رقم الحديث: 7015، 7016، صحيح مسلم: فضائل الصحابة: باب من فضائل عبد اللّٰه بن عمر رضي الله عنهما: رقم الحديث: 2478»
حكم: صحیح
حدیث نمبر: 38 |
|
سیدنا عبداللہ بن عمر رضی اللہ عنہ سے مروی ہے، نبی اکرم صلی اللہ علیہ وسلم نے فرمایا: جب غلام اپنے رب کی اچھی عبادت کرے اور اپنے مالک کی بات مانے تو اس کو دوگنا اجر دیا جاتا ہے۔
تخریج الحدیث: «صحيح بخاري: العتق: باب العبد اذا احسن عبادة ربه ونصح سيده: رقم الحديث: 2546، 2550، صحيح مسلم: الأيمان باب ثواب العبد واجره… الخ: رقم الحديث: 1664»
حكم: صحیح
حدیث نمبر: 39 |
|
سیدنا عبداللہ بن عمر رضی اللہ عنہ سے مروی ہے، انہوں نے کہا: میں نے حجر اسود کا استلام کسی بھی حالت میں کبھی نہیں چھوڑا جب سے میں نے رسول اللہ صلی اللہ علیہ وسلم کو اس کا استلام کرتے دیکھا۔
تخریج الحدیث: «سنن نسائي: الحج: باب ترك استلام الركنين الأخرين: رقم الحديث: 2953، سنن دارمي: المناسك: باب فى استلام الحجر: رقم الحديث: 1880»
محدث البانی نے اسے ’’صحیح‘‘ کہا ہے۔
محدث البانی نے اسے ’’صحیح‘‘ کہا ہے۔
حكم: قال الشيخ الألباني: صحيح
حدیث نمبر: 40 |
|
سیدنا عبداللہ بن عمر رضی اللہ عنہ بیان کرتے ہیں، رسول اللہ صلی اللہ علیہ وسلم نے فرمایا: جب تم میں سے کوئی جمعہ کے لیے جائے تو وہ غسل کر لے۔
تخریج الحدیث: «صحيح بخاري: الجمعة: باب فضل الغسل يوم الجمة وهل على الصبي… الخ: رقم الحديث: 877»
حكم: صحیح