حضرت ابوعثمان نہدی رحمہ اللہ سے ہی روایت ہے، انہوں نے کہا کہ ہمیں حضرت عمر فاروق رضی اللہ عنہ نے خط لکھا جبکہ ہم آذربائیجان میں تھے کہ ”نبی صلی اللہ علیہ وسلم نے ریشم پہننے سے منع فرمایا ہے مگر اتنی مقدار جائز ہے“۔ اس مقدار کو نبی صلی اللہ علیہ وسلم نے اپنی دو انگلیوں سے اشارہ کر کے بیان فرمایا؛ زہیر (راوی) نے درمیان والی اور شہادت کی انگلی اٹھا کر مقدار بتائی۔ [صحيح البخاري/كتاب اللباس/حدیث: 5829]