«وَعَنْ» اور سے – «أَنَسٍ» انس – «رَضِيَ اللَّهُ تَعَالَى عَنْهُ» اللہ تعالیٰ ان سے راضی ہو – «قَالَ» (انہوں نے) کہا: – «نَهَى رَسُولُ اللَّهِ» اللہ کے رسول نے منع فرمایا – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «عَنِ الْمُحَاقَلَةِ» محاقلہ سے – «وَالْمُخَاضَرَةِ» اور مخاضرہ – «وَالْمُلَامَسَةِ» اور ملامسہ – «وَالْمُنَابَذَةِ» اور منابذہ – «وَالْمُزَابَنَةِ» اور مزابنہ سے۔ – «رَوَاهُ» اسے روایت کیا – «الْبُخَارِيُّ» بخاری نے۔
اور سیدنا انس رضی اللہ عنہ سے روایت ہے، انہوں نے کہا: رسول اللہ صلی اللہ علیہ وآلہ وسلم نے محاقلہ، مخاضرہ (پکنے سے پہلے سبز پھل بیچنے)، ملامسہ (کپڑا چھونے سے سودا لازم کرنے)، منابذہ (کپڑا پھینکنے سے سودا لازم کرنے) اور مزابنہ سے منع فرمایا۔ اسے بخاری نے روایت کیا ہے۔ [بلوغ المرام/حدیث: 673]