فوائد ومسائل:
1۔
سندا روایت ضعیف ہے۔
لیکن مسئلہ اس طرح ہے کہ اس کا جانور حلال نہ ہوگا۔

2۔
حضرت شداد بن اوسرضی اللہ تعالیٰ عنہ بیان کرتے ہیں۔
کہ میں نے رسول اللہ صلی اللہ علیہ وسلم سے دو باتیں یاد کیں۔
آپ نے فرمایا اللہ تعالیٰ نے ہر چیز پر احسان کرنا فرض قرار دیا ہے۔
لہذا جب تم قتل کرو تو اچھے طریقے سے کرو۔
اور جب تم کسی جانور کو ذبح کرو تو عمدہ طریقے سے ذبح کرو، ذبح کرنے والے ہر شخص کو چاہیے کہ اپنی چھری تیز کرے۔
اور اپنے ذبیحہ کو آرام پہنچائے۔
(صحیح مسلم الصید والذبائع باب الامر باحسان الذبح والقتل وتحدید الشفرۃ حدیث 1955) علاوہ ازیں رسول اللہ صلی اللہ علیہ وسلم خود بھی ذبح کرنے سے قبل چھری کو تیز کرنے کا اہتمام فرماتے تھے۔
حدیث کے الفاظ نهی رسول الله صلي الله عليه وسلم عن شريطةِ الشيطانِ رسول اللہ صلی اللہ علیہ وسلم نے شیطان کے ذبیحہ سے منع فرمایا ہے۔
میں مذکور ذبیحہ جانور سے مراد ایسا جانور ہے۔
جس کا ذبح کرتے وقت زرا سا حلق کاٹ دیا۔
پوری رگیں نہ کاٹیں اور وہ تڑپ تڑپ کر مر گیا۔
جاہلیت کے زمانے میں مشرک ایسا ہی کرتے۔
چونکہ شیطان نے ان کو بھڑکایا تھا۔
اس لئے ایسے ذبیحہ کو شیطا ن کا ذبیحہ فرمایا۔
اور اس کے ایک معنی ابن عیسیٰ نے بھی بیان فرمائے ہیں۔
جو کہ حدیث میں مذکور ہیں۔