حضرت عائشہ رضی اللہ عنہا سے روایت ہے کہ (ان کے رضاعی باپ) ابوالقعیس کا بھائی پردے والی آیت اترنے کے بعد عائشہ رضی اللہ عنہا کے پاس آیا اور اندر آنے کی اجازت طلب کی تو انہوں نے اجازت دینے سے انکار کردیا۔ یہ بات نبی صلی اللہ علیہ وسلم کے سامنے ذکر کی گئی تو آپ صلی اللہ علیہ وسلم نے (ان سے) فرمایا: ”اسے اجازت دو۔ بلاشبہ تمہارا چچا ہے۔“ میں نے عرض کیا: مجھے تو عورت ہی نے دودھ پلایا تھا نہ کہ مرد نے۔ آپ صلی اللہ علیہ وسلم نے فرمایا: ”نہیں۔ بلاشبہ وہ تیرا چچا ہے۔ تیرے پاس آسکتا ہے۔“ [سنن نسائي/كتاب النكاح/حدیث: 3317]