´باغی لوگوں سے جنگ و قتال کرنا`
سیدنا عرفجہ بن شریح کہتے ہیں کہ میں نے رسول اللہ صلی اللہ علیہ وسلم سے سنا ” جو شخص تمہارے پاس آئے حالانکہ تم ایک امیر پر متفق ہو اور وہ تمہاری جماعت میں تفریق پیدا کرنا چاہتا ہو تو اسے قتل کر دو۔“ (صحیح مسلم) «بلوغ المرام/حدیث: 1026»

تخریج:
«أخرجه مسلم، الإمارة، باب حكم من فرق أمر المسلمين وهو مجتمع، حديث:1852.» تشریح:
اس حدیث سے ثابت ہوا کہ جب سب مسلمان ایک شخص کو اپنا خلیفہ و حاکم مقرر کر لیں‘ پھر جو مسلمانوں کے مابین تفریق و تشتت کے لیے سرگرمی دکھلائے اور ان کے درمیان اختلاف پیدا کرنے کی کوشش کرے‘ وہ واجب القتل ہے۔
راویٔ حدیث:
«حضرت عرفجہ بن شُرَیْح رضی اللہ عنہ» ‏‏‏‏ ”عین“ پر فتحہ‘ ”فا“ پر فتحہ اور ”را“ ساکن ہے۔
(اور شُرَیح تصغیر کے ساتھ ہے) بعض نے ان کے باپ کا نام صریح‘ طریح‘ شریک یا ذریح وغیرہ بھی ذکر کیا ہے۔
اشجع قبیلے سے ہونے کی وجہ سے اشجعی کہلائے۔
مشہور صحابی ہیں۔
کوفہ میں سکونت اختیار کی۔