3996. حضرت انس ؓ سے روایت ہے، انہوں نے فرمایا کہ ابوزید ؓ فوت ہوئے تو ان کی اولاد نہیں تھی اور وہ غزوہ بدر میں شریک ہوئے تھے۔ [صحيح بخاري، حديث نمبر:3996]

حدیث حاشیہ:
ابو زید کا نام قیس بن سکن ہے۔
انصاری اور خزرجی ہیں۔
جن صحابہ کرام رضوان اللہ عنھم اجمعین نے رسول اللہ ﷺ کے عہد مبارک میں قرآن جمع کیا تھا ان میں وہ بھی تھے۔
حضرت انس ؓ کے چچا ہیں۔
ان کی کنیت نام پر غالب ہے۔
لاولد فوت ہوئے تھے۔
ایک روایت کے مطابق انس ؓ کہتے ہیں کہ ہم ان کیا جائیداد کے وارث بنے تھے۔
(صحیح البخاري، فضائل القرآن، حدیث: 5004)
انھوں نے غزوہ بدر میں شرکت کی تھی اس وجہ سے امام بخاری ؒ نے اس حدیث کو بیان کیا ہے۔
(فتح الباري: 392/7)