6303. حضرت ابن عمر رضی اللہ عنہ ہی سے روایت ہے انہوں نے کہا: اللہ کی قسم! میں نے نبی ﷺ کی وفات کے بعد کوئی اینٹ کسی اینٹ پر نہیں رکھی اور نہ کوئی باغ ہی لگایا ہے سفیان نے کہا: میں نے ان کی یہ بات ان کے اہل خانہ سے ذکر كى تو انہوں نے کہا: اللہ قسم! انہوں نے گھر بنایا تھا۔ سفیان کہتے ہیں کہ میں نے کہا: پھر انہوں نے یہ بات گھر بنانے سے پہلے کہی ہوگی۔ [صحيح بخاري، حديث نمبر:6303]

حدیث حاشیہ:
حضرت سفیان ثوری رحمۃ اللہ علیہ کی پیش کردہ تطبیق بالکل مناسب ہے کہ حضرت عبد اللہ بن عمر رضی اللہ عنہما کی یہ بات گھر بنانے سے پہلے کی فرمودہ ہے بعد میں انہوں نے گھر بنایا جیسا کہ خود ان کے گھر والوں کا بیان ہے۔
ضرورت سے زیادہ مکان بنانا وبال جان ہے جیسا کہ آج کل لوگوں نے عمارات مشید ہ بنابنا کر کھڑی کر دی ہیں۔
باغ لگانا افادہ کے لئے بہتر ہے۔

6303. حضرت ابن عمر رضی اللہ عنہ ہی سے روایت ہے انہوں نے کہا: اللہ کی قسم! میں نے نبی ﷺ کی وفات کے بعد کوئی اینٹ کسی اینٹ پر نہیں رکھی اور نہ کوئی باغ ہی لگایا ہے سفیان نے کہا: میں نے ان کی یہ بات ان کے اہل خانہ سے ذکر كى تو انہوں نے کہا: اللہ قسم! انہوں نے گھر بنایا تھا۔ سفیان کہتے ہیں کہ میں نے کہا: پھر انہوں نے یہ بات گھر بنانے سے پہلے کہی ہوگی۔ [صحيح بخاري، حديث نمبر:6303]

حدیث حاشیہ:
(1)
ہر قسم کی تعمیر اور باغبانی قابل مذمت نہیں بلکہ حدیث میں ایسی فضول تعمیرات کا باعث وبال ہونا بیان کیا گیا ہے جو ضرورت کے علاوہ محض فخروریا کے لیے ہوں جیسا کہ آج کل لوگوں نے بڑی بڑی اور اونچی اونچی عمارتیں تعمیر کر رکھی ہیں۔
باغات کا بھی یہی حال ہے، البتہ وہ عمارتیں یا باغ جو کسی فائدے کے لیے ہو وہ باعث اجرو ثواب ہوگا۔
(2)
واضح رہے کہ حضرت سفیان ثوری رحمہ اللہ کی بیان کردہ تطبیق وتوجیہ بالکل مناسب معلوم ہوتی ہے کہ حضرت ابن عمر رضی اللہ عنہماکی مذکورہ بات گھر بنانے سے پہلے کی ہے، بعد میں انھوں نے اپنا گھر بنایا جیسا کہ خود ان کے اہل خانہ کا بیان ہے۔
واللہ أعلم و علمه أتم