1764. حضرت انس بن مالک ؓ ہی سے روایت ہے وہ نبی کریم ﷺ سے بیان کرتے ہیں کہ آپ نے ظہر، عصر، مغرب اورعشاء کی نمازیں وادی محصب میں ادا کیں۔ اس کے بعد وہاں تھوڑی سی نیند فرمائی۔ پھر سوار ہوکر بیت اللہ کی طرف تشریف لے گئے اور اس کا طواف کیا۔ [صحيح بخاري، حديث نمبر:1764]

حدیث حاشیہ:
کسی نے کیا خوب کہا ہے:
أمر علی الدیار دیار لیلیٰ و ما حب الدیار شغفن قلبي أقبل ذا جدار و ذا الحدارا و لکن حب من سکن الدیارا

1764. حضرت انس بن مالک ؓ ہی سے روایت ہے وہ نبی کریم ﷺ سے بیان کرتے ہیں کہ آپ نے ظہر، عصر، مغرب اورعشاء کی نمازیں وادی محصب میں ادا کیں۔ اس کے بعد وہاں تھوڑی سی نیند فرمائی۔ پھر سوار ہوکر بیت اللہ کی طرف تشریف لے گئے اور اس کا طواف کیا۔ [صحيح بخاري، حديث نمبر:1764]

حدیث حاشیہ:
(1)
محصب، ابطح، بطحاء، ذی طویٰ اور خیف بنو کنانہ ایک ہی چیز ہے۔
مکہ اور منیٰ کے درمیان ایک وسیع میدان کا نام ہے۔
(2)
امام بخاری ؒ کا مقصود یہ ہے کہ حج سے فراغت کے بعد وادئ ابطح میں نماز عصر پڑھنا مشروع ہے لیکن اس کا مناسک حج سے کوئی تعلق نہیں۔
روایت میں جس طواف کا ذکر ہے وہ طواف وداع ہے۔
حضرت انس ؓ نے اپنے شاگرد کو تلقین فرمائی کہ ایسی باتوں کو بنیاد بنا کر اپنے حکام کی مخالفت نہیں کرنی چاہیے بلکہ ان کی اطاعت کر ہر مقام پر ترجیح دی جائے بشرطیکہ کتاب و سنت کے خلاف نہ ہو۔
اس کی مزید وضاحت اگلے باب میں آئے گی۔