´وضو کے بعد (شرمگاہ پر) پانی چھڑکنے کا بیان۔`
ابوہریرہ رضی الله عنہ کہتے ہیں کہ نبی اکرم صلی الله علیہ وسلم نے فرمایا: ”میرے پاس جبرائیل نے آ کر کہا: اے محمد! جب آپ وضو کریں تو (شرمگاہ پر) پانی چھڑک لیں“ ۱؎۔ [سنن ترمذي/كتاب الطهارة/حدیث: 50]

اردو حاشہ:
1؎:
اس کا فائدہ یہ ہے کہ اس سے یہ وسوسہ ختم ہو جاتا ہے کہ شاید شرمگاہ کے پاس کپڑے میں جو نمی ہے وہ ہو نہ ہو پیشاب کے قطروں سے ہو،
اور ظاہر بات ہے کہ وضو کے بعد اس طرح کی نمی ملنے پر یہ شک ہو گا،
لیکن اگر پیشاب کے بعد اور وضو سے پہلے نمی ہو گی تو وہ پیشاب ہی کی ہوگی۔

2؎:
حسن بن علی نوفلی ہاشمی کی وجہ سے ابوہریرہ رضی اللہ عنہ کی یہ حدیث ضعیف ہے،
مگر اس باب میں دیگر صحابہ سے فعل رسول ثابت ہے۔

نوٹ:
(اس کے راوی حسن بن علی ہاشمی ضعیف ہیں،
قولی حدیث ثابت نہیں،
فعل رسول ﷺ سے یہ عمل ثابت ہے،
دیکھئے:
الضعیفۃ 1312،
والصحیحۃ 841)