4014. حضرت شداد بن ہاد لیثی سے روایت ہے، انہوں نے کہا کہ میں نے حضرت رفاعہ بن رافع ؓ کو دیکھا ہے وہ بدر کی جنگ میں شریک ہوئے تھے۔ [صحيح بخاري، حديث نمبر:4014]

حدیث حاشیہ:
یہ ایک حدیث کا ٹکڑا ہے جس کو اسماعیل نے پورا نکالا ہے۔
اس میں یوں ہے کہ رفاعہ نے نماز شروع کرتے وقت اللہ اکبر کہا۔
دوسرے طریق میں یوں ہے اللہ اکبر کبیراً کہا۔
امام بخاری نے پوری حدیث اس لیے بیان نہیں کی کہ وہ اس باب سے غیر متعلق ہے۔
دوسرے موقوف ہے۔

4014. حضرت شداد بن ہاد لیثی سے روایت ہے، انہوں نے کہا کہ میں نے حضرت رفاعہ بن رافع ؓ کو دیکھا ہے وہ بدر کی جنگ میں شریک ہوئے تھے۔ [صحيح بخاري، حديث نمبر:4014]

حدیث حاشیہ:
1۔
امام بخاری ؒ نے اس حدیث سے ثابت کیا ہے کہ حضرت رفاعہ بن رافع ؓ انصاری ؓ بدری صحابی ہیں۔
2۔
اس حدیث کو علامہ اسماعیلی نے یوں بیان کیا ہے کہ حضرت رفاعہ ؓ نے نماز شروع کرتے وقت اللہ اکبر کہا، ایک دوسری روایت میں ہے کہ انھوں نے اللہ أکبر کبیراً کہا تھا۔
3۔
امام بخاری ؒ نے مکمل حدیث اس لیے ذکر نہیں کی کہ وہ موقوف تھی نیز وہ آپ کی غرض سے زائد بھی۔
(فتح الباري: 400/7)
بہر حال حضرت رفاعہ ؓ بدری صحابی ہیں اور وہ سیدنا امیر معاویہ ؓ کی حکومت کے آغاز میں فوت ہوئے تھے۔
واللہ اعلم۔