ان میں سے ایک کہنے والا کہے گا بے شک میں، میرا ایک ساتھی تھا۔

وہ کہا کرتا تھا کہ کیا واقعی تو بھی ماننے والوں میں سے ہے۔

کیا جب ہم مر گئے اور ہم مٹی اور ہڈیاں ہو گئے تو کیا واقعی ہم ضرور جزا دیے جانے والے ہیں؟

کہے گا کیا تم جھانک کر دیکھنے والے ہو؟

پس وہ جھانکے گا تو اسے بھڑکتی آگ کے وسط میں دیکھے گا۔

کہے گا اللہ کی قسم! یقینا تو قریب تھا کہ مجھے ہلاک ہی کر دے۔

اور اگر میرے رب کی نعمت نہ ہوتی تو یقینا میں بھی ان میں ہوتا جو حاضر کیے گئے ہیں۔

تو کیا ہم کبھی مرنے والے نہیں ہیں۔

مگر ہماری پہلی موت اور نہ ہم کبھی عذاب دیے جانے والے ہیں۔

یقینا یہی تو بہت بڑی کامیابی ہے۔

اس جیسی (کامیابی) ہی کے لیے پس لازم ہے کہ عمل کرنے والے عمل کریں۔

کیا مہمانی کے طور پر یہ بہتر ہے، یا زقوم کا درخت؟

بے شک ہم نے اسے ظالموں کے لیے ایک آزمائش بنایا ہے۔

بے شک وہ ایسا درخت ہے جو بھڑکتی ہوئی آگ کی تہ میں اگتا ہے۔

اس کے خوشے ایسے ہیں جیسے وہ شیطانوں کے سر ہوں۔

پس بے شک وہ یقینا اس میں سے کھانے والے ہیں، پھر اس سے پیٹ بھرنے والے ہیں۔

پھر بلا شبہ ان کے لیے اس پریقینا سخت گرم پانی کی آمیزش ہے۔

پھر بلاشبہ ان کی واپسی یقینا اسی بھڑکتی ہوئی آگ کی طرف ہو گی۔

بے شک انھوں نے اپنے باپ دادا کو گمراہ پایا۔

تو وہ انھی کے قدموں کے نشانوں پر دوڑائے چلے جاتے ہیں۔

اور بلاشبہ یقینا ان سے پہلے اگلے لوگوں میں سے زیادہ تر گمراہ ہوگئے۔

اور بلاشبہ یقینا ہم نے ان میں کئی ڈرانے والے بھیجے۔

سو دیکھ ان ڈرائے جانے والوں کا انجام کیسا ہوا؟

مگر اللہ کے خالص کیے ہوئے بندے۔

اور بلاشبہ یقینا نوح نے ہمیں پکارا تو یقینا ہم اچھے قبول کرنے والے ہیں۔

اور ہم نے اسے اور اس کے گھر والوں کو بہت بڑی مصیبت سے نجات دی۔

اور ہم نے اس کی اولاد ہی کو باقی رہنے والے بنا دیا۔

اور ہم نے پیچھے آنے والوں میں اس کے لیے باقی رکھا۔

(یہ کہنا) کہ نوح پر تمام جہانوں میں سلام ہو۔

بے شک ہم نیکی کرنے والوں کو اسی طرح جزا دیتے ہیں۔

یقینا وہ ہمارے مومن بندوں سے تھا۔

پھر ہم نے دوسروں کو غرق کر دیا۔

اور بے شک اس کے گروہ میں سے یقینا ابراہیم (بھی) ہے۔

جب وہ اپنے رب کے پاس بے روگ دل لے کر آیا۔

جب اس نے اپنے باپ اور اپنی قوم سے کہا تم کس چیز کی عبادت کرتے ہو؟

کیا اللہ کو چھوڑ کر گھڑے ہوئے معبودوں کو چاہتے ہو؟

تو جہانوں کے رب کے بارے میں تمھارا کیا گمان ہے؟

پس اس نے ستاروں میں ایک نگاہ ڈالی۔

پھر کہا میں تو بیمار ہوں۔

تو وہ اس سے پیٹھ پھیر کر واپس چلے گئے۔

تو وہ چپکے سے ان کے معبودوں کی طرف گیا اور اس نے کہا کیا تم کھاتے نہیں؟

تمھیں کیا ہے کہ تم بولتے نہیں ؟

پھر وہ دائیں ہاتھ سے مارتے ہوئے ان پر پل پڑا۔

تو وہ دوڑتے ہوئے اس کی طرف آئے۔

اس نے کہا کیا تم اس کی عبادت کرتے ہو جسے خود تراشتے ہو؟

حالانکہ اللہ ہی نے تمھیں پیدا کیا اور اسے بھی جو تم کرتے ہو۔

انھوں نے کہا اس کے لیے ایک عمارت بناؤ، پھر اسے بھڑکتی آگ میں پھینک دو۔

غرض انھوں نے اس کے ساتھ ایک چال چلنے کا ارادہ کیا تو ہم نے انھی کو سب سے نیچا کر دیا۔

اور اس نے کہا بے شک میں اپنے رب کی طرف جانے والا ہوں، وہ مجھے ضرور راستہ دکھائے گا۔

اے میرے رب! مجھے (لڑکا) عطا کر جو نیکوں سے ہو ۔