سیدنا امام حسن رضی اللہ عنہ، سیدنا علی بن ابوطالب رضی اللہ عنہ کا یہ بیان نقل کرتے ہیں: نبی کریم صلی اللہ علیہ وسلم نماز میں بسم اللہ الرحمن الرحیم پڑھا کرتے تھے۔ [سنن الدارقطني/ كِتَابُ الصَّلَاةِ/حدیث: 1155]

سیدنا علی بن ابوطالب رضی اللہ عنہ بیان کرتے ہیں: نبی کریم صلی اللہ علیہ وسلم دونوں سورتوں کے ساتھ بلند آواز میں بسم اللہ الرحمن الرحیم پڑھا کرتے تھے۔ [سنن الدارقطني/ كِتَابُ الصَّلَاةِ/حدیث: 1156]

امام ابوجعفر صادق رحمہ اللہ اپنے والد امام باقر رحمہ اللہ کے حوالے سے، ان کے والد امام زین العابدین رحمہ اللہ کے حوالے سے، ان کے والد امام حسین رضی اللہ عنہ کے حوالے سے، سیدنا علی رضی اللہ عنہ کا یہ بیان نقل کرتے ہیں: نبی کریم صلی اللہ علیہ وسلم نے پوچھا: ”جب تم نماز کے لیے کھڑے ہوتے ہو تو قراءت کیسے کرتے ہو؟“ میں نے عرض کیا: میں ”الحمد للہ رب العالمین“ پڑھتا ہوں۔ نبی کریم صلی اللہ علیہ وسلم نے فرمایا: ”تم بسم اللہ الرحمن الرحیم پڑھا کرو۔“ [سنن الدارقطني/ كِتَابُ الصَّلَاةِ/حدیث: 1157]

سیدنا علی رضی اللہ عنہ اور سیدنا عمار رضی اللہ عنہ بیان کرتے ہیں: نبی کریم صلی اللہ علیہ وسلم فرض نماز میں بلند آواز میں بسم اللہ الرحمن الرحیم پڑھا کرتے تھے۔ [سنن الدارقطني/ كِتَابُ الصَّلَاةِ/حدیث: 1158]

سیدنا علی رضی اللہ عنہ اور سیدنا عمار رضی اللہ عنہ دونوں حضرات بیان کرتے ہیں: نبی کریم صلی اللہ علیہ وسلم بلند آواز میں بسم اللہ الرحمن الرحیم پڑھا کرتے تھے۔ [سنن الدارقطني/ كِتَابُ الصَّلَاةِ/حدیث: 1159]

سیدنا عبداللہ بن عباس رضی اللہ عنہما بیان کرتے ہیں: نبی کریم صلی اللہ علیہ وسلم نماز میں بلند آواز میں بسم اللہ الرحمن الرحیم پڑھا کرتے تھے۔ [سنن الدارقطني/ كِتَابُ الصَّلَاةِ/حدیث: 1160]

احمد بن محمد رحمہ اللہ اپنے والد کے حوالے سے اپنے دادا کا یہ بیان نقل کرتے ہیں: امیر المؤمنین مہدی نے ہمیں مغرب کی نماز پڑھائی۔ انہوں نے بلند آواز میں بسم اللہ الرحمن الرحیم پڑھی۔ راوی کہتے ہیں: میں نے کہا: ”امیر المؤمنین! یہ کیا طریقہ ہے؟“ انہوں نے بتایا: میرے والد نے اپنے والد کے حوالے سے، ان کے دادا کے حوالے سے، سیدنا عبداللہ بن عباس رضی اللہ عنہما کا یہ بیان نقل کیا کہ نبی کریم صلی اللہ علیہ وسلم بلند آواز میں بسم اللہ الرحمن الرحیم پڑھا کرتے تھے۔ راوی کہتے ہیں: میں نے پوچھا: کیا ہم اسے آپ کے حوالے سے روایت کر سکتے ہیں؟ انہوں نے جواب دیا: جی ہاں۔ [سنن الدارقطني/ كِتَابُ الصَّلَاةِ/حدیث: 1161]

سیدنا عبداللہ بن عباس رضی اللہ عنہما بیان کرتے ہیں: نبی کریم صلی اللہ علیہ وسلم نماز کے آغاز میں بلند آواز میں بسم اللہ الرحمن الرحیم پڑھا کرتے تھے۔ [سنن الدارقطني/ كِتَابُ الصَّلَاةِ/حدیث: 1162]

سیدنا عبداللہ بن عباس رضی اللہ عنہما بیان کرتے ہیں: نبی کریم صلی اللہ علیہ وسلم اپنے وصال ظاہری تک دونوں سورتوں کے ساتھ بلند آواز میں بسم اللہ الرحمن الرحیم پڑھتے رہے۔ [سنن الدارقطني/ كِتَابُ الصَّلَاةِ/حدیث: 1163]

سیدنا عبداللہ بن عمر رضی اللہ عنہما کے بارے میں یہ بات منقول ہے: وہ بلند آواز میں بسم اللہ الرحمن الرحیم پڑھتے تھے اور اس بات کا تذکرہ کرتے تھے کہ نبی کریم صلی اللہ علیہ وسلم بھی اسے بلند آواز سے پڑھا کرتے تھے۔ [سنن الدارقطني/ كِتَابُ الصَّلَاةِ/حدیث: 1164]