7260. سیدنا ابو ہریرہ ؓ ہی سے روایت ہے انہوں نے کہا: ایک دفعہ ہم رسول اللہ ﷺ کی خدمت میں موجود تھے کہ اچانک ایک دیہاتی کھڑا ہو اور عرض کرنے لگا: اللہ کے رسول! کتاب اللہ کے مطابق میرا فیصلہ کر دیں۔ اس کے بعد اس کا مد مقابل کھڑا ہوا اس نے بھی یہی عرض کی: اللہ کے رسول! یہ سچ کہتا ہے۔ اس کا فیصلہ اللہ کی کتاب کے مطابق فرمائیں لیکن مجھے کچھ کہنے کی اجازت دیں۔ نبی ﷺ نے اس سے فرمایا: ”بیان کرو۔“ اس نے کہا: میرا بیٹا اس شخص کے ہاں ملازم تھا۔ اس نے اس کی بیوی سے زنا کر لیا۔ لوگوں نے مجھے بتایا کہ میرے بیٹے کو رجم کی سزا ملے گی لیکن میں نے اس کی طرف سے سو بکریاں اور ایک لونڈی بطور فدیہ ادا کریں۔ پھر میں نے اہل علم سے رابطہ کیا تو انہوں نے مجھے بتایا کہ اس کی بیوی پر رجم اور میرے بیٹے پر سو کوڑے اور ایک سال کے لیے جلاوطنی کی سزا ہے۔ آپ ﷺ نےفرمایا: اس ذات کی قسم۔۔۔۔ (مکمل حدیث اس نمبر پر پڑھیے۔) [صحيح بخاري، حديث نمبر:7260]

حدیث حاشیہ:
باب کی مطابقت اس سے نکلی کہ آپ نے ایک شخص واحد کو ایذا کا حکم دیا۔
اس نے حکم شرعی یعنی رجم جاری کیا۔
بعضوں نے کہا آپ نے ہر فریق کی جو ایک تن تنہا تھا بات قبول کی اس کی تصدیق فرمائی۔
امام ابن قیم نے فرمایا‘ خبر واحد تین قسم کی ہے ایک یہ کہ قرآن کے موافق ہو‘ دوسرے یہ کہ اس میں قرآن کی تفصیل ہو‘ تیسرے یہ کہ اس میں ایک نیا حکم ہو جو قرآن میں نہیں ہے۔
بہر حال میں اس کا اتباع واجب ہے کیونکہ اللہ تعالیٰ نے اپنی اطاعت کے علاوہ رسول اللہ صلی اللہ علیہ وسلم کی اطاعت کا جداگانہ حکم دیا۔
پس اگر خبر واحد وہی قابل قبول ہو جو قرآن کے موافق ہے تو رسول کی اطاعت علیحدہ اور خاص نہیں ہوئی اور حنفیہ جو کہتے ہیں کہ قرآن پر زیادتی خبر واحد سے نہیں ہوسکتی بلکہ خبر مشہور یا متواتر ہونا ضرور ہے۔
انہوں نے بہت سے مسائل میں اپنے اس اصول کے خود خلاف کیا ہے جیسے نبیذ تمر سے وضو کے جواز اور نصاب سرقہ اور مہر دس درہم سے کم نہ ہونا اور ایک عورت اور اس کی پھو پھی یا خالہ میں جمع حرام ہونا اور شفعہ یا رہن اور صدہا مسائل میں جن میں آحادیث وارد ہیں اور باوجود اس کے حنفیہ نے اس سے کلام اللہ پر زیادت کی ہے۔
میں کہتا ہوں حنفیہ کا کوئی اصول جمتا ہی نہیں ہے۔
اصول میں تو یہ لکھتے ہیں کہ خبر واحد اور قول صحابی بھی حجت ہے یترك به القیاس اور پھر صدہا مسائل میں حدیث کے خلاف قیاس پر عمل کرتے ہیں۔
اصول میں لکھتے ہیں کہ کتاب اللہ پر زیادت کے لیے خبر مشہور یا متواتر ضرور ہے اور پھر مسائل میں خبر واحد سے زیادت کرتے ہیں اور جہاں چاہتے ہیں وہاں خبر مشہور کو بھی یہ بہانہ کر کے مخالف کتاب اللہ ہے ترک کر دیتے ہیں۔
مثلاً یمین مع الشاهد الواحد کی احادیث کو۔
غرض یہ عجب اصول ہیں جو کچھ سمجھ میں نہیں آتے اور حق یہ ہے کہ یہ امام ابو حنیفہ رحمہ اللہ کے اصول نہیں ہیں خود پچھلوں نے قائم کئے ہیں اور وہی حق تعالیٰ کے پاس جواب دار بنیں گے اللہ انصاف نصیب کرے۔

7260. سیدنا ابو ہریرہ ؓ ہی سے روایت ہے انہوں نے کہا: ایک دفعہ ہم رسول اللہ ﷺ کی خدمت میں موجود تھے کہ اچانک ایک دیہاتی کھڑا ہو اور عرض کرنے لگا: اللہ کے رسول! کتاب اللہ کے مطابق میرا فیصلہ کر دیں۔ اس کے بعد اس کا مد مقابل کھڑا ہوا اس نے بھی یہی عرض کی: اللہ کے رسول! یہ سچ کہتا ہے۔ اس کا فیصلہ اللہ کی کتاب کے مطابق فرمائیں لیکن مجھے کچھ کہنے کی اجازت دیں۔ نبی ﷺ نے اس سے فرمایا: ”بیان کرو۔“ اس نے کہا: میرا بیٹا اس شخص کے ہاں ملازم تھا۔ اس نے اس کی بیوی سے زنا کر لیا۔ لوگوں نے مجھے بتایا کہ میرے بیٹے کو رجم کی سزا ملے گی لیکن میں نے اس کی طرف سے سو بکریاں اور ایک لونڈی بطور فدیہ ادا کریں۔ پھر میں نے اہل علم سے رابطہ کیا تو انہوں نے مجھے بتایا کہ اس کی بیوی پر رجم اور میرے بیٹے پر سو کوڑے اور ایک سال کے لیے جلاوطنی کی سزا ہے۔ آپ ﷺ نےفرمایا: اس ذات کی قسم۔۔۔۔ (مکمل حدیث اس نمبر پر پڑھیے۔) [صحيح بخاري، حديث نمبر:7260]

حدیث حاشیہ:
1۔
اس حدیث کی عنوان کے ساتھ مناسبت کئی اعتبار سے ہے۔
"پہلی بات یہ ہے کہ رسول اللہ صلی اللہ علیہ وسلم کی خدمت میں دو فریق حاضر ہوئے اور ہر فریق ایک ایک آدمی پر مشتمل تھا۔
آپ صلی اللہ علیہ وسلم نے ان کی بات سن کر تصدیق فرمائی اور ہر ایک کے متعلق فیصلہ صادر فرمایا:
دوسری تطبیق اس طرح ہے کہ آپ صلی اللہ علیہ وسلم نے قبیلہ اسلم کے ایک آدمی حضرت انیس رضی اللہ تعالیٰ عنہ کو اس عورت کی طرف بھیجا تاکہ اسے صورت حال سے آگاہ کرے۔
اس نے رسول اللہ صلی اللہ علیہ وسلم کے قاصد کی بات سنی اور اعتراف جرم کرلیا۔
پھر ایک ہی آدمی نے اس پر رجم کی حد جاری کی۔
2۔
بہر حال اس حدیث سے بھی خبر واحد کی حجیت روز روشن کی طرح واضح ہے نیز اس حدیث میں رسول اللہ صلی اللہ علیہ وسلم کی سنت پر کتاب اللہ کا اطلاق کیا گیا ہےکیونکہ شرعی معاملات میں رسول اللہ صلی اللہ علیہ وسلم وحی کے بغیر گفتگو نہیں کرتے تھے۔