1485. حضرت ابوہریرۃ ؓ سے روایت ہے،انھوں نے فرمایا کہ رسول اللہ ﷺ کے پاس فصل کٹتے ہی (صدقے کی) کھجوریں آنے لگتیں اور ایسا ہوتاکہ ایک شخص اپنی کھجوریں لے آتا تو ادھر دوسرا شخص اپنی کھجوریں لے آتا، اس طرح صدقے کی کھجوروں کے ڈھیر لگ جاتے، ایک روز حضرت حسن ؓ اور حضرت حسن ؓ ان کھجوروں سے کھیلنے لگے اور ان میں سے کسی نے کھجور اٹھا کر اپنے منہ میں ڈالی جسے رسول اللہ ﷺ نے دیکھ لیا، تو آپ نے وہ کھجور اس کے منہ سے نکال کر فرمایا: "کیا تمھیں معلوم نہیں کہ آل محمد ﷺ صدقہ نہیں کھاتے؟" [صحيح بخاري، حديث نمبر:1485]

حدیث حاشیہ:
معلوم ہوا کہ یہ فرض زکوٰۃ تھی کیونکہ وہی آنحضرت ﷺ کی آل پر حرام ہے۔
حدیث سے یہ نکلا کہ چھوٹے بچوں کو دین کی باتیں سکھلانا اور ان کو تنبیہ کرنا ضروری ہے۔

1485. حضرت ابوہریرۃ ؓ سے روایت ہے،انھوں نے فرمایا کہ رسول اللہ ﷺ کے پاس فصل کٹتے ہی (صدقے کی) کھجوریں آنے لگتیں اور ایسا ہوتاکہ ایک شخص اپنی کھجوریں لے آتا تو ادھر دوسرا شخص اپنی کھجوریں لے آتا، اس طرح صدقے کی کھجوروں کے ڈھیر لگ جاتے، ایک روز حضرت حسن ؓ اور حضرت حسن ؓ ان کھجوروں سے کھیلنے لگے اور ان میں سے کسی نے کھجور اٹھا کر اپنے منہ میں ڈالی جسے رسول اللہ ﷺ نے دیکھ لیا، تو آپ نے وہ کھجور اس کے منہ سے نکال کر فرمایا: "کیا تمھیں معلوم نہیں کہ آل محمد ﷺ صدقہ نہیں کھاتے؟" [صحيح بخاري، حديث نمبر:1485]

حدیث حاشیہ:
(1)
یہ عنوان دو حصوں پر مشمتل ہے:
٭ کھجور توڑتے وقت ہی عشر ادا کر دیا جائے۔
٭ بچوں کو ممنوعہ کاموں سے دور رکھا جائے۔
اس حدیث سے عنوان کے دونوں جز ثابت ہوتے ہیں کہ صحابہ کرام ؓ کھجور کی فصل اٹھاتے ہی عشر ادا کر دیتے تھے۔
قرآن کریم میں مسلمانوں کو اسی بات کی طرف متوجہ کیا گیا ہے، ارشاد باری تعالیٰ ہے:
﴿وَآتُوا حَقَّهُ يَوْمَ حَصَادِهِ﴾ (الأنعام141: 6)
”فصل اٹھاتے وقت اس سے اللہ کا حق بھی ادا کرو۔
“ دوسرا جن اس طرح ثابت ہوا کہ رسول اللہ ﷺ نے حضرت حسن ؓ کو صدقے کی کھجوروں سے منع فرمایا بلکہ آپ نے وہ کھجور ان کے منہ سے نکال کر پھینک دی، معلوم ہوا کہ چھوٹے بچوں کو بھی حرام سے بچایا جائے اور انہیں بتایا جائے کہ حرام خوری کبیرہ گناہ ہے تاکہ وہ بڑے ہو کر اکل حرام سے شرح صدر سے پرہیز کریں۔
(2)
اسی طرح کا ایک واقعہ حضرت حسین ؓ کو بھی پیش آیا، فرماتے ہیں کہ میں چھوٹی عمر میں بالا خانے پر چڑھا، وہاں کھجوریں پڑی تھیں، میں نے ایک کھجور اٹھا کر منہ میں ڈال لی تو رسول اللہ ﷺ نے فرمایا:
”اسے باہر پھینک دو کیونکہ ہمارے لیے صدقہ حلال نہیں ہے۔
“ (مسندأحمد: 201/1)