سنن ترمذي

(مرفوع) حدثنا احمد بن منيع، حدثنا هشيم، اخبرنا يونس بن عبيد، عن عمرو بن سعيد، عن ابي زرعة بن عمرو بن جرير، عن جرير بن عبد الله، قال: سالت رسول الله صلى الله عليه وسلم عن نظرة الفجاءة " فامرني ان اصرف بصري "، قال ابو عيسى: هذا حديث حسن صحيح، وابو زرعة بن عمرو اسمه هرم.

جریر بن عبداللہ رضی الله عنہ کہتے ہیں کہ میں نے رسول اللہ صلی اللہ علیہ وسلم سے (کسی اجنبیہ عورت پر) اچانک پڑ جانے والی نظر سے متعلق پوچھا۔ تو آپ نے فرمایا: ”تم اپنی نگاہ پھیر لیا کرو“ ۱؎۔

امام ترمذی کہتے ہیں:
یہ حدیث حدیث حسن صحیح ہے۔

تخریج الحدیث: «صحیح مسلم/الأدب 10 (2159)، سنن ابی داود/ النکاح 44 (2148) (تحفة الأشراف: 3237)، و مسند احمد (4/358، 361)، وسنن الدارمی/الاستئذان 15 (2685) (صحیح)»

وضاحت:
۱؎: معلوم ہوا کہ کسی مقصد و ارادہ کے بغیر اگر اچانک کسی اجنبی عورت پر نگاہ پڑ جائے تو اس میں کوئی حرج نہیں ہے، حرج اور گناہ تو اس میں ہے کہ اس پر باربار نگاہ مقصد و ارادہ کے ساتھ ڈالی جائے، اور یہ کہ اچانک نگاہ کو بھی فوراً پھیر لیا جائے۔

قال الشيخ الألباني: صحيح حجاب المرأة (35)، صحيح أبي داود (1864)

مزید تحكيم الحدیث فوائد و مسائل

حدیث نمبر: 2777

پی ڈی ایف بنائیں اعراب

(مرفوع) حدثنا علي بن حجر، اخبرنا شريك، عن ابي ربيعة، عن ابن بريدة، عن ابيه، رفعه قال: " يا علي، لا تتبع النظرة النظرة فإن لك الاولى وليست لك الآخرة "، قال ابو عيسى: هذا حديث حسن غريب، لا نعرفه إلا من حديث شريك.

بریدہ رضی الله عنہ سے روایت ہے کہ نبی اکرم صلی اللہ علیہ وسلم نے فرمایا: ”علی! نظر کے بعد نظر نہ اٹھاؤ، کیونکہ تمہارے لیے پہلی نظر (معاف) ہے اور دوسری (معاف) نہیں ہے“ ۱؎۔

امام ترمذی کہتے ہیں:
یہ حدیث حسن غریب ہے، ہم اسے صرف شریک کی روایت سے جانتے ہیں۔

تخریج الحدیث: «سنن ابی داود/ النکاح 44 (2149) (تحفة الأشراف: 2007) (حسن)»

وضاحت:
۱؎: یعنی اگر اچانک پہلی مرتبہ تمہاری نگاہ کسی پر پڑ گئی تو یہ معاف ہے، لیکن تمہارا دوبارہ دیکھنا قابل گرفت ہو گا (اور پہلی والی بھی فوراً ہٹا لینی ہو گی)۔

قال الشيخ الألباني: حسن الحجاب (34)، صحيح أبي داود (1865)

مزید تحكيم الحدیث فوائد و مسائل

پچھلا باب اگلا باب