نافع بن جبیر کے بارے میں مروی ہے کہ وہ عبدالملک بن مروان کے پاس گئے، عبدالملک بن مروان نے کہا: کیا تمہیں رسول اللہ صلی اللہ علیہ وسلم کے وہ اسمائے گرامی یاد ہیں جو جبیر بن مطعم کو یاد ہوا کرتے تھے؟ انہوں نے کہا: جی ہاں۔ وہ 6 اسماء ہیں۔ محمد، احمد، خاتم، حاشر، عاقب، اور ماحی۔ حضور صلی اللہ علیہ وسلم کے نام نامی ” حاشر “ کا ظہور قیامت کے دن ہو گا حضور صلی اللہ علیہ وسلم کو قیامت میں اٹھایا جائے گا۔ قرآن کریم میں ہے نَذِيرٌ لَكُمْ بَيْنَ يَدَيْ عَذَابٍ شَدِيدٌ [ سبأ: 46 ] اور عاقب کا مطلب ہے کہ آپ صلی اللہ علیہ وسلم تمام انبیاء کے بعد تشریف لائے۔ اور ماحی کا مطلب ہے کہ اللہ تعالیٰ حضور صلی اللہ علیہ وسلم کے طفیل ان کے متبعین کے گناہوں کو مٹا دے گا۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب الأدب/حدیث: 7911]

سیدنا عبداللہ بن عمر فرماتے ہیں کہ رسول اللہ صلی اللہ علیہ وسلم نے ارشاد فرمایا: اللہ تعالیٰ کو سب سے زیادہ نام ” عبداللہ “ اور ” عبدالرحمن “ پسند ہے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب الأدب/حدیث: 7912]

سیدنا عبداللہ بن عمر رضی اللہ عنہما فرماتے ہیں کہ رسول اللہ صلی اللہ علیہ وسلم نے ارشاد فرمایا: اللہ تعالیٰ کو سب سے زیادہ ” عبداللہ “ اور ” عبدالرحمن “ نام پسند ہیں۔ [المستدرك على الصحيحين/كتاب الأدب/حدیث: 7913]

سیدنا عمر رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: اگر میں زندہ رہا تو ان شاء اللہ، رباح، افلح، نجیح، اور یسار نام رکھنے منع کر دوں گا، اور اگر میں زندہ رہا تو ان شاء اللہ یہودیوں کو جزیرہ عرب سے نکال دوں گا۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین نے اس کو نقل نہیں کیا۔ اور میں نہیں جانتا کہ ابواحمد کے سوا کسی دوسرے راوی نے یہ حدیث ثوری سے روایت کرتے ہوئے درمیان میں عمر کا نام لیا ہو۔ [المستدرك على الصحيحين/كتاب الأدب/حدیث: 7914]

سیدنا جابر رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: اگر میں زندہ رہا تو میں ” برکۃ، نافع، اور یسار، نام رکھنے سے منع کر دوں گا۔ لیکن حضور صلی اللہ علیہ وسلم کا وصال مبارک ہو گیا اور آپ نے ان ناموں سے منع نہیں فرمایا۔ ٭٭ اس حدیث کو مومل بن اسماعیل نے بھی روایت کیا ہے لیکن مجھے یہ علم نہیں ہے کہ انہوں نے ” رافعا “ کہا ہے یا نہیں۔ [المستدرك على الصحيحين/كتاب الأدب/حدیث: 7915]

سیدنا ابوہریرہ رضی اللہ عنہ فرماتے ہیں کہ قیامت کے دن اللہ تعالیٰ کو سب سے ناپسندیدہ نام ” ملک الاملاک، شہنشاہ “ ہے۔ سیدنا سفیان فرماتے ہیں: عجم کی عادت ہے کہ جب وہ اپنے بادشاہوں کی عظمت بیان کرتے ہیں تو ان کو شہنشاہ کہتے ہیں۔ کہتے ہیں: تو ” ملک الملوک “ ہے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن انہوں نے اس کو نقل نہیں کیا۔ کیونکہ سفیان کے شاگردوں کی ایک جماعت نے اس کو ابوالزناد سے اپنی اسناد کے ہمراہ سیدنا ابوہریرہ سے روایت کیا ہے۔ [المستدرك على الصحيحين/كتاب الأدب/حدیث: 7916]

سیدنا ابوہریرہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا ہے: اللہ تعالیٰ کا غضب اس شخص پر بہت شدید ہے، جس کو رسول اللہ صلی اللہ علیہ وسلم نے قتل کیا، اور اللہ تعالیٰ کا غضب اس پر بھی بہت سخت ہے جس نے اپنا نام ” ملک الاملاک “ رکھا، اللہ تعالیٰ کے سوا کوئی ملک (یعنی بادشاہ) نہیں ہے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب الأدب/حدیث: 7917]

عصام بن بشیر اپنے والد کا یہ بیان نقل کرتے ہیں کہ میری قوم بنی الحارث بن کعب نے مجھے نبی اکرم صلی اللہ علیہ وسلم کی بارگاہ میں مجھے بھیجا، جب میں حضور صلی اللہ علیہ وسلم کی خدمت میں پہنچا تو آپ صلی اللہ علیہ وسلم نے مجھے مرحبا کہا اور میرا نام پوچھا، میں نے کہا: میرا نام ” کثیر “ ہے۔ حضور صلی اللہ علیہ وسلم نے فرمایا: بلکہ تم ” بشیر “ ہو۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الأدب/حدیث: 7918]

عبداللہ بن مطیع بن الاسود اپنے والد کا یہ بیان نقل کرتے ہیں کہ میں نے فتح مکہ کے موقع پر رسول اللہ صلی اللہ علیہ وسلم کو یہ فرماتے ہوئے سنا ہے کہ ” آج کے بعد قیامت تک کسی قریشی کو قتل کے لیے بند نہیں کیا جائے گا “ آپ فرماتے ہیں: منکرین قریش میں سے میرے باپ کے سوا کسی نے اسلام نہیں پایا۔ ان کا نام ” العاص “ تھا۔ رسول اللہ صلی اللہ علیہ وسلم نے ان کا نام ” مطیع “ رکھ دیا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الأدب/حدیث: 7919]

ریطہ بنت مسلم اپنے والد کا یہ بیان نقل کرتی ہیں: وہ رسول اللہ صلی اللہ علیہ وسلم کے ہمراہ جنگ حنین میں شریک تھے، حضور صلی اللہ علیہ وسلم نے ان سے ان کا نام پوچھا انہوں نے کہا: میرا نام ” غراب “ ہے۔ آپ صلی اللہ علیہ وسلم نے فرمایا: تیرا نام ” مسلم “ ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الأدب/حدیث: 7920]