97- علقمہ بیان کرتے ہیں: بنواسد سے تعلق رکھنے والی ایک عورت سیدنا عبداللہ بن مسعود رضی اللہ عنہ کی خدمت میں حاضر ہوئی، اس نے ان سے کہا: مجھے یہ پتہ چلا ہے کہ آپ فلاں، فلاں پر اور جسم گودنے والی اور گودوانے والی عورتوں پر لعنت کرتے ہیں؟ حالانکہ میں نے قرآن پڑھ لیا ہے مجھے اس میں یہ حکم نہیں ملا، جو آپ کہتے ہیں اور میرا خیال آپ کی بیگم بھی ایسا کرتی ہیں، تو سیدنا عبداللہ بن مسعود رضی اللہ عنہ نے اس خاتون سے کہا: تم جاؤ اور جا کر خود جائزہ لو۔ وہ عورت سیدنا عبداللہ بن مسعود رضی اللہ عنہ کے گھر گئی اس نے وہاں کا جائزہ لیا تو اسے وہاں ایسی کوئی چیز نظر نہیں آئی۔ راوی کہتے ہیں: سیدنا عبداللہ بن مسعود رضی اللہ عنہ نے اس عورت سے کہا: کیا تم نے یہ آیت پڑھی ہے: ”رسول تمہیں جو کچھ دیں اسے حاصل کرلو اور جس سے تمہیں منع کردیں اس سے باز آجاؤ۔“
اس عورت نے جواب دیا: جی ہاں، تو سیدنا عبداللہ بن مسعود رضی اللہ عنہ نے فرمایا: یہ وہی ہے۔
● صحيح البخاري | 5943 | عبد الله بن مسعود | لعن الله الواشمات والمستوشمات المتنمصات المتفلجات للحسن المغيرات خلق الله |
● صحيح البخاري | 5948 | عبد الله بن مسعود | لعن الله الواشمات والمستوشمات المتنمصات المتفلجات للحسن المغيرات خلق الله |
● صحيح البخاري | 4886 | عبد الله بن مسعود | لعن الله الواشمات والموتشمات المتنمصات المتفلجات للحسن المغيرات خلق الله |
● صحيح البخاري | 5939 | عبد الله بن مسعود | لعن الواشمات المتنمصات المتفلجات للحسن المغيرات خلق الله |
● صحيح مسلم | 5573 | عبد الله بن مسعود | لعن الله الواشمات والمستوشمات النامصات المتنمصات المتفلجات للحسن المغيرات خلق الله |
● صحيح مسلم | 4092 | عبد الله بن مسعود | لعن رسول الله آكل الربا ومؤكله |
● جامع الترمذي | 1206 | عبد الله بن مسعود | لعن رسول الله آكل الربا ومؤكله شاهديه وكاتبه |
● جامع الترمذي | 2782 | عبد الله بن مسعود | لعن الواشمات والمستوشمات المتنمصات مبتغيات للحسن مغيرات خلق الله |
● سنن أبي داود | 3333 | عبد الله بن مسعود | لعن رسول الله آكل الربا ومؤكله شاهده وكاتبه |
● سنن النسائى الصغرى | 5106 | عبد الله بن مسعود | آكل الربا وموكله كاتبه إذا علموا ذلك الواشمة والموشومة للحسن لاوي الصدقة المرتد أعرابيا بعد الهجرة ملعونون على لسان محمد يوم القيامة |
● سنن النسائى الصغرى | 5112 | عبد الله بن مسعود | يلعن المتنمصات المتفلجات الموتشمات اللاتي يغيرن خلق الله |
● سنن النسائى الصغرى | 5111 | عبد الله بن مسعود | لعن الله المتنمصات الموتشمات المتفلجات اللاتي يغيرن خلق الله |
● سنن النسائى الصغرى | 5256 | عبد الله بن مسعود | لعن رسول الله الواشمات المتفلجات المتنمصات المغيرات خلق الله |
● سنن النسائى الصغرى | 3445 | عبد الله بن مسعود | لعن رسول الله الواشمة والموتشمة الواصلة والموصولة آكل الربا وموكله المحلل والمحلل له |
● سنن النسائى الصغرى | 5255 | عبد الله بن مسعود | لعن الله المتنمصات المتفلجات |
● سنن النسائى الصغرى | 5257 | عبد الله بن مسعود | لعن الله المتنمصات المتفلجات المتوشمات المغيرات خلق الله |
● سنن النسائى الصغرى | 5102 | عبد الله بن مسعود | لعن رسول الله الواشمات الموتشمات المتنمصات المتفلجات للحسن المغيرات خلق الله |
● سنن النسائى الصغرى | 5257 | عبد الله بن مسعود | لعن الله المتوشمات المتنمصات المتفلجات |
● سنن ابن ماجه | 1989 | عبد الله بن مسعود | لعن رسول الله الواشمات والمستوشمات المتنمصات المتفلجات للحسن المغيرات لخلق الله |
● سنن ابن ماجه | 2277 | عبد الله بن مسعود | لعن آكل الربا ومؤكله شاهديه وكاتبه |
● مسندالحميدي | 97 | عبد الله بن مسعود | فهو ذلك |
الشيخ محمد ابراهيم بن بشير حفظ الله، فوائد و مسائل، مسند الحميدي، تحت الحديث:97
97- علقمہ بیان کرتے ہیں: بنواسد سے تعلق رکھنے والی ایک عورت سیدنا عبداللہ بن مسعود رضی اللہ عنہ کی خدمت میں حاضر ہوئی، اس نے ان سے کہا: مجھے یہ پتہ چلا ہے کہ آپ فلاں، فلاں پر اور جسم گودنے والی اور گودوانے والی عورتوں پر لعنت کرتے ہیں؟ حالانکہ میں نے قرآن پڑھ لیا ہے مجھے اس میں یہ حکم نہیں ملا، جو آپ کہتے ہیں اور میرا خیال آپ کی بیگم بھی ایسا کرتی ہیں، تو سیدنا عبداللہ بن مسعود رضی اللہ عنہ نے اس خاتون سے کہا: تم جاؤ اور جا کر خود جائزہ لو۔ وہ عورت سیدنا عبداللہ بن مسعود رضی اللہ عنہ کے گھر گئی اس نے وہاں کا جائزہ لیا تو اسے وہاں ایسی کوئی چیز نظر نہیں آئی۔ راوی کہتے ہیں: سیدنا عبدالل۔۔۔۔ (مکمل حدیث اس نمبر پر پڑھیے۔) [مسند الحمیدی/حدیث نمبر:97]
فائدہ:
اس حدیث میں اہم امور درج ذیل ہیں: پہلے دور کی عورتیں قرآن کریم پر مکمل عبور رکھتی تھیں۔ اگر کسی مسئلے پر بحث کرنا ہوتی تھی تو وہ ہچکچاتی نہیں تھیں۔ کاش! آج کی مسلمان عورت بھی قرآن کریم کے ترجمہ تفسیر پر عبور حاصل کر لے تاکہ خواتین میں فتنے وفساد کم ہوں اور وہ جہنم سے بچ کر جنت کی راہ پر گامزن ہوں۔ سوال کرنے والی عورت کا نام”ام یعقوب“ تھا۔ (صحیح مسلم: 2125، سنن ابن ماجه: 1989)
غیر محرم عورت کی آواز پردہ نہیں ہے، وہ غیر محرم مرد سے دینی مسائل پر گفتگو کر سکتی ہے۔ الواشمہ سے مراد”کھال کو سوئی سے گود کر نیل چھٹرکناہے“۔ اکـمـال المعلم (329/6) میں ہے کہ خواہ یہ ہاتھ میں ہو یا جسم کے کسی بھی حصے میں ہو۔ مسند حمیدی میں یہ حدیث مختصر ہے اور سنن ابن ماجہ (1989) میں مفصل ہے۔ اس میں یہ اضافہ ہے کہ ”نبی کریم صلی اللہ علیہ وسلم نے گود نے والیوں پر، گدوانے والیوں پر، بال نوچنے والیوں پر، حسن کے لیے دانتوں کے درمیان فاصلہ پیدا کرنے والیوں پر لعنت فرمائی ہے۔“ یہ بھی معلوم ہوا کہ عالم دین کو خود اور اپنے اہل وعیال کے اعمال کا خاص خیال رکھنا چاہیے، کیونکہ اس کی غلطی دوسروں کے لیے سند جواز گمان کر لی جاتی ہے، حالانکہ یہ بات غلط ہے، کیونکہ عالم دین نبی نہیں ہوتا بلکہ عام انسان ہوتا ہے۔ گناہ کا سرزد ہو جانا اس سے ممکن ہے اور اسے اس کے اہل وعیال کے عمل کی وجہ سے ڈانٹنا درست نہیں ہے، کیونکہ اس کی ذمہ داری انھیں تبلیغ کرنا ہے، اگر کوئی اہل وعیال میں سے نہیں مانتا تو اس کی سزا اس پر ہے نہ کہ عالم دین پر۔ یہ بھی معلوم ہوا کہ قرآن وحدیث حجیت کے اعتبار سے برابر ہیں۔ اگر کسی بھی انسان کے متعلق غلط فہمی پیدا ہو جائے تو اسے جلد از جلد دور کرنا چاہیے۔ صحابہ کرام رضی اللہ عنہم خود بھی دین پر کار بند تھے اور ان کے اہل وعیال بھی پابند تھے۔ وہ دین پر عمل کرنے میں سستی سے کام نہیں لیتے تھے، جس طرح کہ ہمارے دور میں ہے۔ اے اللہ! ہمیں اور ہمارے اہل وعیال کو دین اسلام پر چلا اور دینی احکام و مسائل کی پابندی کرنے کی توفیق عطا فرما، آمین۔ بیوی کو نیکی کے کاموں میں رکاوٹ نہیں بننا چاہیے، ورنہ ایسی بیوی سے جدائی بہتر ہے۔
مسند الحمیدی شرح از محمد ابراهيم بن بشير، حدیث\صفحہ نمبر: 98