حضرت ابن عمر رضی اللہ عنہما اپنے غلام کو اپنے مال سے باندی رکھتے (اس سے تسری کرتے) دیکھتے تھے اور اس پر اسے برا نہیں کہتے تھے۔ [مصنف ابن ابي شيبه/كتاب النكاح/حدیث: 17065]

ایوب فرماتے ہیں کہ حضرت نافع نے مجھے لکھا کہ غلام اپنے مال سے باندی رکھ (کر اس سے تسری کر) سکتا ہے لیکن اپنے مالک کے مال سے نہیں۔ [مصنف ابن ابي شيبه/كتاب النكاح/حدیث: 17066]

حسن اس بات میں کوئی حرج نہیں سمجھتے تھے کہ غلام اپنے آقا کی اجازت سے باندی رکھے (اس سے تسری کرے)۔ [مصنف ابن ابي شيبه/كتاب النكاح/حدیث: 17067]

حضرت عمر بن عبد العزیز فرماتے ہیں کہ اس بات میں کوئی حرج نہیں کہ غلام باندی رکھے (اس سے تسری کرے)۔ [مصنف ابن ابي شيبه/كتاب النكاح/حدیث: 17068]

ابراہیم فرماتے ہیں کہ اس بات میں کوئی حرج نہیں کہ غلام باندی رکھے (اس سے تسری کرے)۔ [مصنف ابن ابي شيبه/كتاب النكاح/حدیث: 17069]

حضرت شعبی فرماتے ہیں کہ اس بات میں کوئی حرج نہیں کہ غلام باندی رکھے (اس سے تسری کرے)۔ [مصنف ابن ابي شيبه/كتاب النكاح/حدیث: 17070]

حضرت شعبی فرماتے ہیں کہ جب آقا نے غلام کو باندیاں رکھنے (تسری) کی اجازت دے دی تو وہ ان میں سے جتنی چاہے رکھ سکتا ہے۔ [مصنف ابن ابي شيبه/كتاب النكاح/حدیث: 17071]

حضرت عطاء فرماتے ہیں کہ ہم اس بات میں کوئی حرج نہیں سمجھتے تھے کہ غلام اپنے مالک کے مال سے باندی رکھے (اس سے تسری کرے)۔ [مصنف ابن ابي شيبه/كتاب النكاح/حدیث: 17072]

حضرت ابن عباس رضی اللہ عنہما فرماتے ہیں کہ اس بات میں کوئی حرج نہیں کہ غلام باندی رکھے (اس سے تسری کرے)۔ [مصنف ابن ابي شيبه/كتاب النكاح/حدیث: 17073]

حضرت ابن عباس رضی اللہ عنہما کا ایک غلام تھا جو تجارت کرتا تھا، حضرت ابن عباس رضی اللہ عنہما نے اسے چھ سات باندیاں رکھنے (تسری کرنے) کی اجازت دے رکھی تھی۔ [مصنف ابن ابي شيبه/كتاب النكاح/حدیث: 17074]