🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
14. بَابُ مَا جَاءَ فِي الْحِسَابِ .
حساب کے بارے میں جو کچھ منقول ہے
اظهار التشكيل
حدیث نمبر: 18395
وَعَنْ أَنَسِ بْنِ مَالِكٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" يُؤْتَى يَوْمَ الْقِيَامَةِ بِصُحُفٍ مُخَتَّمَةٍ، فَتُنْصَبُ بَيْنَ يَدَيِ اللَّهِ - تَبَارَكَ وَتَعَالَى - فَيَقُولُ - تَبَارَكَ وَتَعَالَى -: أَلْقُوا هَذِهِ وَاقْبَلُوا هَذِهِ. فَتَقُولُ الْمَلَائِكَةُ: وَعِزَّتِكَ، مَا رَأَيْنَا إِلَّا خَيْرًا. فَيَقُولُ اللَّهُ - عَزَّ وَجَلَّ -: إِنَّ هَذَا كَانَ لِغَيْرِ وَجْهِي، وَإِنِّي لَا أَقْبَلُ الْيَوْمَ إِلَّا مَا ابْتُغِيَ بِهِ وَجْهِي".
سیدنا انس بن مالک رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ”قیامت کے دن مہر لگے ہوئے صحیفوں کو لایا جائے گا اور انہیں اللہ تعالیٰ کے سامنے رکھ دیا جائے گا تو اللہ تعالیٰ فرمائے گا: اس کو ایک طرف کر دو اور اس کو قبول کر لو، فرشتے عرض کریں گے: تیری عزت اور تیرے جلال کی قسم ہے (جس صحیفے کو تو نے ایک طرف کرنے کا حکم دیا ہے) اس میں ہمیں صرف بھلائی دکھائی دے رہی ہے تو اللہ تعالیٰ فرمائے گا: یہ (یعنی اس صحیفے میں درج عمل) میری ذات کے علاوہ کسی اور کے لئے تھا اور آج میں صرف اس کو قبول کروں گا، جس کے ذریعے میری ذات (کی رضامندی) مراد لی گئی تھی۔“ [مجمع الزاوئد ومنبع الفوائد/كتاب البعث/حدیث: 18395]
تخریج الحدیث: «اخرجه البزار فى المسند (3435)»

الحكم على الحديث:
إسنادہ حسن
مزید تخریج الحدیث شرح دیکھیں
اظهار التشكيل
حدیث نمبر: 18396
وَفِي رِوَايَةٍ:" فَتَقُولُ الْمَلَائِكَةُ: وَعِزَّتِكَ، مَا كَتَبْنَا إِلَّا مَا عَمِلَ! قَالَ: صَدَقْتُمْ إِنَّ عَمَلَهُ كَانَ لِغَيْرِ وَجْهِي". رَوَاهُ الطَّبَرَانِيُّ فِي الْأَوْسَطِ بِإِسْنَادَيْنِ، وَرِجَالُ أَحَدِهِمَا رِجَالُ الصَّحِيحِ، وَرَوَاهُ الْبَزَّارُ.
ایک روایت میں یہ الفاظ ہیں: ”فرشتے کہیں گے: تیری عزت کی قسم ہے ہم نے صرف وہ چیز نوٹ کی جو اس نے عمل کیا تھا، تو پروردگار فرمائے گا: تم نے سچ کہا: ہے، اس کا عمل میرے علاوہ کسی اور کے لئے تھا۔“
یہ روایت امام طبرانی نے معجم اوسط میں دو اسناد کے ساتھ نقل کی ہے ان دونوں میں سے ایک رجال صحیح کے رجال ہیں،
یہ روایت امام بزار نے بھی نقل کی ہے۔ [مجمع الزاوئد ومنبع الفوائد/كتاب البعث/حدیث: 18396]

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 18397
وَعَنْ أَنَسِ بْنِ مَالِكٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" إِذَا كَانَ آخِرُ الزَّمَانِ صَارَتْ أُمَّتِي ثَلَاثَ فِرَقٍ: فِرْقَةٌ يَعْبُدُونَ اللَّهَ خَالِصًا، وَفِرْقَةٌ يَعْبُدُونَ اللَّهَ رِيَاءً، وَفِرْقَةٌ يَعْبُدُونَ اللَّهَ لِيَسْتَأْكِلُوا بِهِ النَّاسَ، فَإِذَا جَمَعَهُمُ اللَّهُ يَوْمَ الْقِيَامَةِ قَالَ لِلَّذِي كَانَ يَسْتَأْكِلُ النَّاسَ: بِعِزَّتِي وَجَلَالِي مَا أَرَدْتَ بِعِبَادَتِي؟ فَيَقُولُ: وَعِزَّتِكَ وَجَلَالِكَ أَسْتَأْكِلُ بِهِ النَّاسَ. قَالَ: لَمْ يَنْفَعْكَ مَا جَمَعْتَ شَيْئًا تَلْجَأُ إِلَيْهِ، انْطَلِقُوا بِهِ إِلَى النَّارِ. ثُمَّ يَقُولُ لِلَّذِي كَانَ يَعْبُدُ رِيَاءً: بِعِزَّتِي وَجَلَالِي، مَا أَرَدْتَ بِعِبَادَتِي؟ قَالَ: بِعِزَّتِكَ وَجَلَالِكَ رِيَاءَ النَّاسِ، قَالَ: لَمْ يَصْعَدْ إِلَيَّ مِنْهُ شَيْءٌ، انْطَلِقُوا بِهِ إِلَى النَّارِ. ثُمَّ يَقُولُ لِلَّذِي كَانَ يَعْبُدُهُ خَالِصًا: بِعِزَّتِي وَجَلَالِي مَا أَرَدْتَ بِعِبَادَتِي؟ قَالَ: بِعِزَّتِكَ وَجَلَالِكَ، أَنْتَ أَعْلَمُ بِذَلِكَ مِنِّي، أَرَدْتُ بِهِ ذِكْرَكَ وَوَجْهَكَ، قَالَ: صَدَقَ عَبْدِي، انْطَلِقُوا بِهِ إِلَى الْجَنَّةِ". رَوَاهُ الطَّبَرَانِيُّ فِي الْأَوْسَطِ، وَفِيهِ عُبَيْدُ بْنُ إِسْحَاقَ الْعَطَّارُ، وَقَدْ ضَعَّفَهُ الْجُمْهُورُ، وَرَضِيَهُ أَبُو حَاتِمٍ الرَّازِيُّ، وَوَثَّقَهُ ابْنُ حِبَّانَ، وَبَقِيَّةُ رِجَالِهِ ثِقَاتٌ.
سیدنا انس بن مالک رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ”جب آخری زمانہ آئے گا تو میری امت تین حصوں میں تقسیم ہو جائے گی، ایک گروہ خالص طور پر اللہ تعالیٰ کی عبادت کرے گا، ایک گروہ ریاکاری کے طور پر اللہ تعالیٰ کی عبادت کرے گا، ایک گروہ اللہ تعالیٰ کی عبادت اس لیے کرے گا تاکہ لوگوں سے مالی فائدہ حاصل کرے، قیامت کے دن جب اللہ تعالیٰ انہیں جمع کرے گا تو اللہ تعالیٰ اس شخص سے یہ فرمائے گا جو اس عبادت کے ذریعے لوگوں سے مالی فائدہ حاصل کرتا تھا (اللہ تعالیٰ اس سے دریافت کرے گا:) میری عزت اور میرے جلال کی قسم! تم نے کس مقصد کے تحت میری عبادت کی؟ وہ بندہ جواب دے گا: تیری عزت اور تیرے جلال کی قسم! میں اس کے ذریعے لوگوں سے مالی فائدہ حاصل کرنا چاہتا تھا، تو پروردگار فرمائے گا: تم نے جو کچھ بھی اکٹھا کیا، وہ تمہیں یہ فائدہ نہیں دے گا کہ اب تم اس کی پناہ لے سکو (پھر فرشتوں کو حکم ہو گا) اس کو جہنم کی طرف لے جاؤ!۔ پھر اللہ تعالیٰ ریاکاری کے طور پر عبادت کرنے والے سے فرمائے گا: میری عزت اور میرے جلال کی قسم! تم نے میری عبادت کے ذریعے کیا مراد لیا؟ (یعنی میری عبادت کے حوالے سے تمہارا مقصد کیا تھا؟) تو وہ شخص عرض کرے گا: تیری عزت اور تیرے جلال کی قسم، لوگوں کے لئے دکھاوا (میرا مقصد تھا) پروردگار فرمائے گا: اس میں سے کوئی بھی عمل مجھ تک نہیں پہنچا (پھر فرشتوں کو حکم ہو گا) اس کو جہنم کی طرف لے جاؤ!۔ پھر اللہ تعالیٰ اس شخص سے فرمائے گا جو خالص طور پر اس کی عبادت کرتا تھا، میری عزت اور میرے جلال کی قسم! تم میری عبادت کے ذریعے کیا مراد لیتے تھے؟ وہ عرض کرے گا: تیری عزت اور تیرے جلال کی قسم! تو اس بارے میں مجھ سے بہتر جانتا ہے، میں نے اس کے ذریعے تجھے یاد کرنا اور تیری رضامندی مراد لیا تھا، اللہ تعالیٰ فرمائے گا: میرے بندے نے سچ کہا: ہے (پھر فرشتوں کو حکم ہو گا:) اسے جنت کی طرف لے جاؤ!۔
یہ روایت امام طبرانی نے معجم اوسط میں نقل کی ہے اس کی سند میں ایک راوی عبید بن اسحاق عطار ہے جس کو جمہور نے ضعیف قرار دیا ہے اور ابوحاتم رازی اس سے راضی تھے، ابن حبان نے اسے ثقہ کہا: ہے اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كتاب البعث/حدیث: 18397]
تخریج الحدیث: «أخرجه المعجم الأوسط للطبراني برقم: 5101»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 18398
وَعَنْ أَبِي سَعِيدٍ الْخُدْرِيِّ، عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ:" إِذَا كَانَ يَوْمُ الْقِيَامَةِ عُرِفَ الْكَافِرُ بِعَمَلِهِ فَجَحَدَ وَخَاصَمَ، فَقِيلَ لَهُ: هَؤُلَاءِ جِيرَانُكَ يَشْهَدُونَ عَلَيْكَ، فَيَقُولُ: كَذَبُوا. فَيَقُولُ: أَهْلُكَ وَعَشِيرَتُكَ. فَيَقُولُ: كَذَبُوا. فَيَقُولُ: احْلِفُوا، فَيَحْلِفُونَ، ثُمَّ يُصْمِتُهُمُ اللَّهُ، وَتَشْهَدُ أَلْسِنَتُهُمْ، ثُمَّ يُدْخِلُهُمُ النَّارَ". رَوَاهُ أَبُو يَعْلَى بِإِسْنَادٍ حَسَنٍ عَلَى ضَعْفٍ فِيهِ.
سیدنا ابوسعید خدری رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”جب قیامت کا دن ہو گا، تو کافر کو اس کے عمل کی شناخت کروائی جائے گی، وہ انکار کرے گا اور جھگڑا کرے گا تو اس سے کہا: جائے گا: یہ تمہارے پڑوسی ہیں، جو تمہارے خلاف گواہی دے رہے ہیں، وہ کہے گا: یہ جھوٹ بول رہے ہیں، پروردگار فرمائے گا: (یا فرشتہ کہے گا:) یہ تمہارے اہل خانہ اور تمہارے خاندان کے لوگ (یہ تمہارے خلاف گواہی دے رہے ہیں) وہ کہے گا: یہ بھی جھوٹ بول رہے ہیں، وہ (یعنی پروردگار یا فرشتہ) فرمائے گا: تم لوگ حلف اٹھاؤ! وہ لوگ حلف اٹھا لیں گے، پھر اللہ تعالیٰ انہیں خاموش کروائے گا اور پھر اُن (کافر) لوگوں کی (اپنی) زبانیں (ان کے خلاف) گواہی دیں گی اور پھر اللہ تعالیٰ انہیں جہنم میں داخل کر دے گا۔“
یہ روایت امام ابویعلیٰ نے حسن سند کے ساتھ نقل کی ہے جس میں ضعف پایا جاتا ہے۔ [مجمع الزاوئد ومنبع الفوائد/كتاب البعث/حدیث: 18398]
تخریج الحدیث: «اخرجه أبو يعلى فى المسند (1392)»

الحكم على الحديث:
إسنادہ حسن
مزید تخریج الحدیث شرح دیکھیں
اظهار التشكيل
حدیث نمبر: 18399
وَعَنْ عُقْبَةَ بْنِ عَامِرٍ: أَنَّهُ سَمِعَ النَّبِيَّ - صَلَّى اللَّهُ عَلَيْهِ وَسَلَّمَ - يَقُولُ:" إِنَّ أَوَّلَ عَظْمٍ مِنَ الْإِنْسَانِ يَتَكَلَّمُ يَوْمَ يُخْتَمُ عَلَى الْأَفْوَاهِ فَخِذُهُ مِنَ الرِّجْلِ الشِّمَالِ". رَوَاهُ أَحْمَدُ، وَالطَّبَرَانِيُّ، وَإِسْنَادُهُمَا جَيِّدٌ.
سیدنا عقبہ بن عامر رضی اللہ عنہ بیان کرتے ہیں: انہوں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ”جس دن منہ پر مہر لگا دی جائے گی اس دن انسان کی جو ہڈی سب سے پہلے کلام کرے گی وہ بائیں ٹانگ کا زانو ہے۔“
یہ روایت امام أحمد اور امام طبرانی نے نقل کی ہے اور ان دونوں کی سند عمدہ ہے۔ [مجمع الزاوئد ومنبع الفوائد/كتاب البعث/حدیث: 18399]
تخریج الحدیث: «اخرجه الطبراني فى المعجم الكبير (333/17) اخرجه احمد فى المسند (151/4)، أخرجه مسند أحمد برقم: 16923»

الحكم على الحديث:
إسنادہ جید
مزید تخریج الحدیث شرح دیکھیں
اظهار التشكيل
حدیث نمبر: 18400
وَعَنْ مُعَاوِيَةَ بْنِ حَيْدَةَ قَالَ: أَتَيْتُ النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ:" مَا لِي أَمْسِكُ بِحُجَزِكُمْ عَنِ النَّارِ؟ أَلَا إِنَّ رَبِّي - عَزَّ وَجَلَّ - دَاعِيَّ، وَإِنَّهُ سَائِلِي: هَلْ بَلَّغْتَ عِبَادِي؟ وَإِنِّي قَائِلٌ: رَبِّ إِنِّي قَدْ بَلَّغْتُهُمْ، فَلْيُبَلِّغِ الشَّاهِدُ مِنْكُمُ الْغَائِبَ، ثُمَّ إِنَّكُمْ مَدْعُوُّونَ مُفَدَّمَةً أَفْوَاهُكُمْ بِالْفِدَامِ، إِنَّ أَوَّلَ مَا يَبِينُ عَنْ أَحَدِكُمْ لَفَخِذُهُ وَكَفُّهُ". قُلْتُ: يَا نَبِيَّ اللَّهِ، هَذَا دِينُنَا؟ قَالَ:" هَذَا دِينُكُمْ وَأَيْنَمَا تُحْسِنْ يَكْفِكَ". رَوَاهُ أَحْمَدُ فِي حَدِيثٍ طَوِيلٍ، وَرِجَالُهُ ثِقَاتٌ.
سیدنا معاویہ بن حیده رضی اللہ عنہ بیان کرتے ہیں: میں نبی اکرم صلی اللہ علیہ وسلم کی خدمت میں حاضر ہوا، آپ صلی اللہ علیہ وسلم نے ارشاد فرمایا: ”کیا وجہ ہے کہ میں تمہیں پہلو سے پکڑ کر جہنم میں جانے سے روکتا ہوں، خبردار! میرے پروردگار نے مجھے بلانا ہے اور مجھ سے دریافت کرنا ہے: کیا تم نے میرے بندوں تک تبلیغ کر دی تھی؟ اور میں یہ کہوں گا: اے میرے پروردگار! میں نے ان کو تبلیغ کر دی تھی (پھر نبی اکرم صلی اللہ علیہ وسلم نے حاضرین سے فرمایا:) تم میں سے موجود افراد، غیر موجود لوگوں تک تبلیغ کر دیں، پھر تمہیں (قیامت کے دن) بلایا جائے گا اور تمہارے منہ بند کر دیے جائیں گے اور تم میں سے کسی ایک کی طرف سے جو چیز پہلے بیان کرے گی وہ اس کا زانو اور اس کی ہتھیلی ہو گی۔“
راوی کہتے ہیں: میں نے عرض کی: یا رسول اللہ! یہ ہمارا دین ہے، نبی اکرم صلی اللہ علیہ وسلم نے فرمایا: تمہارا دین ہے، تم جہاں بھی اچھائی کرو گے وہ تمہارے لیے کفایت کرے گی (یا یہ دین تمہارے لیے کفایت کرے گا)۔“
یہ روایت امام أحمد نے ایک طویل حدیث میں نقل کی ہے اور اس کے رجال ثقہ ہیں۔ [مجمع الزاوئد ومنبع الفوائد/كتاب البعث/حدیث: 18400]
تخریج الحدیث: «اخرجه الطبراني فى المعجم الاوسط (1679) اخرجه الطبراني فى المعجم الكبير (407/19) اخرجه احمد فى المسند (446/4)، أخرجه مسند أحمد برقم: 19533، وأخرجه السنن الكبرى للنسائي برقم: 11723»

الحكم على الحديث:
إسنادہ صحیح
مزید تخریج الحدیث شرح دیکھیں
15. بَابُ مَا جَاءَ فِي الْقِصَاصِ .
قصاص کے بارے میں جو کچھ منقول ہے
اظهار التشكيل
حدیث نمبر: 18401
قَالَ: النَّاسَ - عُرَاةً، غُرْلًا، بُهْمًا". قَالَ: قُلْنَا: وَمَا بُهْمًا؟ قَالَ:" لَيْسَ مَعَهُمْ شَيْءٌ، ثُمَّ يُنَادِيهِمْ بِصَوْتٍ يَسْمَعُهُ مَنْ بَعُدَ كَمَا يَسْمَعُهُ مَنْ قَرُبَ: أَنَا الدَّيَّانُ، أَنَا الْمَلِكُ، لَا يَنْبَغِي لِأَحَدٍ مِنْ أَهْلِ النَّارِ أَنْ يَدْخُلَ النَّارَ وَلَهُ عِنْدَ أَحَدٍ مِنْ أَهْلِ الْجَنَّةِ حَقٌّ حَتَّى أَقُصَّهُ مِنْهُ، وَلَا يَنْبَغِي لِأَحَدٍ مِنْ أَهْلِ الْجَنَّةِ أَنْ يَدْخُلَ الْجَنَّةَ وَلِأَحَدٍ مِنْ أَهْلِ النَّارِ عِنْدَهُ حَقٌّ حَتَّى أَقُصَّهُ مِنْهُ، حَتَّى اللَّطْمَةُ". قَالَ: قُلْنَا: كَيْفَ وَإِنَّمَا نَأْتِي عُرَاةً، غُرْلًا، بُهْمًا؟! قَالَ:" الْحَسَنَاتُ وَالسَّيِّئَاتُ". وَهُوَ عِنْدَ أَحْمَدَ، وَالطَّبَرَانِيِّ فِي الْأَوْسَطِ بِإِسْنَادٍ حَسَنٍ.
(علامہ ہیثمی فرماتے ہیں:) میں یہ کہتا ہوں: اس سے پہلے سیدنا عبداللہ بن انیس رضی اللہ عنہ کی نقل کردہ حدیث گزر چکی ہے کہ انہوں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ”قیامت کے دن اللہ تعالیٰ بندوں کو (راوی کو شک ہے، یا شاید یہ الفاظ ہیں:) لوگوں کو برہنہ جسم حالت میں، ختنے کے بغیر ”بہم“ حالت میں زندہ کرے گا، ہم نے دریافت کیا: ”بہم“ حالت سے مراد کیا ہے؟ نبی اکرم صلی اللہ علیہ وسلم نے ارشاد فرمایا: یہ کہ ان کے پاس کوئی چیز نہیں ہو گی، پھر ایک منادی (یعنی پروردگار) بلند آواز میں انہیں مخاطب کر کے کہے گا، جس آواز کو دور کا فرد بھی اسی طرح سن سکے گا جس طرح نزدیک کا فرد سن سکے گا (وہ فرمائے گا) میں ”دیان“ ہوں (یعنی فیصلہ کرنے والا یا بدلہ دینے والا ہوں) میں بادشاہ ہوں، اہل جہنم میں سے کسی کے لیے یہ مناسب نہیں ہے کہ وہ جہنم میں داخل ہو جائے، جبکہ اس نے اہل جنت میں سے کسی ایک سے کوئی حق لینا ہو، جب تک میں اسے بدلہ نہیں دلوا دیتا، اہل جنت میں سے کسی کے لئے یہ مناسب نہیں ہے کہ وہ جنت میں داخل ہو جائے جبکہ اہل جہنم میں سے کسی کا حق اس کے پاس ہو، جب تک میں اسے بدلہ نہیں دلوا لیتا، یہاں تک کہ طمانچہ مارنے (کا بدلہ بھی میں دلواؤں گا)۔“ راوی کہتے ہیں: ہم نے عرض کی: جب ہم برہنہ جسم ہوں گے، ختنے کے بغیر ہوں گے اور ہمارے پاس کوئی چیز بھی نہیں ہو گی (تو بدلہ کیسے دیا جائے گا؟) نبی اکرم صلی اللہ علیہ وسلم نے ارشاد فرمایا: نیکیوں اور برائیوں (کے ذریعے بدلہ دیا جائے گا)۔“
یہ روایت امام أحمد نے نقل کی ہے اور امام طبرانی نے معجم اوسط میں حسن سند کے ساتھ نقل کی ہے۔ [مجمع الزاوئد ومنبع الفوائد/كتاب البعث/حدیث: 18401]

الحكم على الحديث:
إسنادہ حسن
مزید تخریج الحدیث شرح دیکھیں
اظهار التشكيل
حدیث نمبر: 18402
وَعَنْ عَائِشَةَ، وَبَعْضِ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - عَنِ النَّبِيِّ - صَلَّى اللَّهُ عَلَيْهِ وَسَلَّمَ -: أَنَّ رَجُلًا مِنْ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - جَلَسَ بَيْنَ يَدَيْهِ فَقَالَ: يَا رَسُولَ اللَّهِ، إِنْ لِي مَمْلُوكِينَ يَكْذِبُونَنِي، وَيَخُونُونَنِي وَيَعْصُونَنِي، وَأَضْرِبُهُمْ وَأَشْتُمُهُمْ، فَكَيْفَ أَنَا مِنْهُمْ يَا رَسُولُ اللَّهِ؟ فَقَالَ لَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" بِحَسَبِ مَا خَانُوكَ، وَعَصَوْكَ، وَكَذَبُوكَ، وَعِقَابِكَ إِيَّاهُمْ، فَإِنْ كَانَ عِقَابُكَ إِيَّاهُمْ دُونَ ذُنُوبِهِمْ كَانَ فَضْلًا لَكَ، وَإِنْ كَانَ عِقَابُكَ إِيَّاهُمْ بِقَدْرِ ذُنُوبِهِمْ كَانَ كَفَافًا، لَا لَكَ وَلَا عَلَيْكَ، وَإِنْ كَانَ عِقَابُكَ إِيَّاهُمْ فَوْقَ ذُنُوبِهِمُ اقْتُصَّ لَهُمْ مِنْكَ الْفَضْلُ الَّذِي بَقِيَ قِبَلَكَ". فَجَعَلَ الرَّجُلُ يَبْكِي بَيْنَ يَدَيْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَيَهْتِفُ، فَقَالَ لَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" مَا لَكَ؟ مَا تَقْرَأُ كِتَابَ اللَّهِ:" وَنَضَعُ الْمَوَازِينَ الْقِسْطَ لِيَوْمِ الْقِيَامَةِ فَلَا تُظْلَمُ نَفْسٌ شَيْئًا وَإِنْ كَانَ مِثْقَالَ حَبَّةٍ مِنْ خَرْدَلٍ أَتَيْنَا بِهَا وَكَفَى بِنَا حَاسِبِينَ". فَقَالَ الرَّجُلُ: يَا رَسُولَ اللَّهِ، مَا أَجِدُ شَيْئًا خَيْرًا لِي مِنْ فِرَاقِ هَؤُلَاءِ - يَعْنِي عَبِيدَهُ - أُشْهِدُكَ أَنَّهُمْ أَحْرَارٌ كُلُّهُمْ. قُلْتُ: حَدِيثُ عَائِشَةَ وَحْدَهُ رَوَاهُ التِّرْمِذِيُّ. رَوَاهُ أَحْمَدُ، وَفِي إِسْنَادِ الصَّحَابِيِّ الَّذِي لَمَّ يُسَمَّ رَاوٍ لَمْ يُسَمَّ أَيْضًا، وَبَقِيَّةُ رِجَالِهِمَا رِجَالُ الصَّحِيحِ.
سیدہ عائشہ صدیقہ رضی اللہ عنہا اور ایک صحابی، نبی اکرم صلی اللہ علیہ وسلم کے حوالے سے یہ بات نقل کرتے ہیں: ”نبی اکرم صلی اللہ علیہ وسلم کے اصحاب سے تعلق رکھنے والا ایک شخص نبی اکرم صلی اللہ علیہ وسلم کے سامنے بیٹھا، اس نے عرض کی: یا رسول اللہ! میرے کچھ غلام ہیں، جو میرے ساتھ جھوٹ بولتے ہیں، وہ میرے ساتھ خیانت کرتے ہیں، وہ میری نافرمانی کرتے ہیں، میں اُنہیں مارتا ہوں اور انہیں برا کہتا ہوں، یا رسول اللہ! تو اُن کے ساتھ میرا یہ رویہ کیسا شمار ہو گا؟ نبی اکرم صلی اللہ علیہ وسلم نے اس سے فرمایا: وہ لوگ تمہارے ساتھ جو خیانت کرتے ہیں، تمہاری جو نافرمانی کرتے ہیں، تمہاری جو تکذیب کرتے ہیں (ان کا) یہ عمل اور تمہارا انہیں سزا دینا (ان دونوں کا جائزہ لیا جائے گا) اور اگر تمہاری اُنہیں دی ہوئی سزا اُن کے جرم سے کم ہوئی تو یہ چیز تمہارے لئے اضافی ہو گی اور اگر تمہاری اُنہیں دی ہوئی سزا اُن کے جرم کے مطابق ہو گی تو پھر معاملہ برابری کی بنیاد پر ہو گا، نہ تمہارے حق میں کوئی چیز ہو گی نہ تمہارے ذمہ کوئی چیز لازم ہو گی، اور اگر تمہارا انہیں سزا دینا، ان کے جرم سے زیادہ ہو گا تو تمہاری طرف سے جو چیز اضافی ہو گی اس کے حوالے سے تم سے بدلہ دلوایا جائے گا۔“ راوی کہتے ہیں: تو وہ شخص نبی اکرم صلی اللہ علیہ وسلم کے سامنے بیٹھ کر رونے لگا، نبی اکرم صلی اللہ علیہ وسلم نے فرمایا: تمہیں کیا ہوا ہے؟ کیا تم نے اللہ کی کتاب میں یہ نہیں پڑھا ہے: ”اور ہم قیامت کے دن عدل کا ترازو رکھیں گے تو کسی پر کوئی ظلم نہیں کیا جائے گا، اگر کوئی چیز رائی کے دانے کے وزن جتنی بھی ہو گی، تو ہم اس کو لے آئیں گے اور حساب لینے کے لیے ہم کافی ہیں۔“ اُس شخص نے عرض کی: یا رسول اللہ! مجھے کوئی ایسی صورت نہیں ملتی جو میرے حق میں اُن سے علیحدگی اختیار کرنے سے زیادہ بہتر ہو، میں آپ کو گواہ بنا کر یہ کہتا ہوں کہ وہ سب آزاد ہیں۔“ (علامہ ہیثمی فرماتے ہیں:) میں یہ کہتا ہوں: سیدہ عائشہ رضی اللہ عنہا کی نقل کردہ حدیث کو امام ترمذی نے نقل کیا ہے۔
یہ روایت امام أحمد نے نقل کی ہے اور اس کی سند میں صحابی کا نام بیان نہیں کیا گیا اس سند میں ایک اور ایسا راوی ہے، جس کا نام بیان نہیں کیا گیا، ان دونوں کے بقیہ رجال صحیح کے رجال ہیں۔ [مجمع الزاوئد ومنبع الفوائد/كتاب البعث/حدیث: 18402]
تخریج الحدیث: «اخرجه احمد فى المسند (280/6)، أخرجه سنن الترمذي برقم: 3165، وأخرجه مسند أحمد برقم: 25869»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 18403
وَعَنْ أَبِي ذَرٍّ: أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ جَالِسًا وَشَاتَانِ تَعْتَلِفَانِ، فَنَطَحَتْ إِحْدَاهُمَا الْأُخْرَى فَأَجْهَضَتْهَا، فَضَحِكَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقِيلَ: مَا يُضْحِكُكَ يَا رَسُولَ اللَّهِ؟! قَالَ:" عَجِبْتُ لَهَا، وَالَّذِي نَفْسِي بِيَدِهِ، لِيُقَادَنَّ لَهَا يَوْمَ الْقِيَامَةِ".
سیدنا ابوذر غفاری رضی اللہ عنہ بیان کرتے ہیں: نبی اکرم صلی اللہ علیہ وسلم تشریف فرما تھے، دو بکریاں چر رہی تھیں، اُن دونوں میں سے ایک نے دوسری کو سینگ مار کر اس کا حمل گرا دیا تو نبی اکرم صلی اللہ علیہ وسلم ہنس پڑے، عرض کی گئی: یا رسول اللہ! آپ کیوں ہنستے ہیں؟ نبی اکرم صلی اللہ علیہ وسلم نے فرمایا: مجھے اس پر حیرانی ہوئی، اس ذات کی قسم! جس کے دست قدرت میں میری جان ہے، قیامت کے دن اُسے بدلہ دلوایا جائے گا۔ [مجمع الزاوئد ومنبع الفوائد/كتاب البعث/حدیث: 18403]
تخریج الحدیث: «اخرجه البزار فى المسند (3450) اخرجه احمد فى المسند (173/5)، أخرجه مسند أحمد برقم: 21000»

الحكم على الحديث:
إسنادہ ضعیف ولکن عند الشواھد حدیث صحیح، ولہ شاہد فی صحیح مسلم
مزید تخریج الحدیث شرح دیکھیں
اظهار التشكيل
حدیث نمبر: 18404
وَفِي رِوَايَةٍ: أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - رَأَى شَاتَيْنِ تَنْتَطِحَانِ فَقَالَ:" يَا أَبَا ذَرٍّ، هَلْ تَدْرِي فِيمَا انْتَطَحَتَا؟". قَالَ: لَا. قَالَ:" وَلَكِنَّ اللَّهَ يَدْرِي وَسَيَقْضِي بَيْنَهُمَا". رَوَاهُ كُلَّهُ أَحْمَدُ، وَالْبَزَّارُ بِالرِّوَايَةِ الْأُولَى، وَكَذَلِكَ الطَّبَرَانِيُّ فِي الْمُعْجَمِ الْأَوْسَطِ، وَفِيهَا لَيْثُ بْنُ أَبِي سُلَيْمٍ، وَهُوَ مُدَلِّسٌ، وَبَقِيَّةُ رِجَالِ أَحْمَدَ رِجَالُ الصَّحِيحِ غَيْرَ شَيْخِهِ ابْنِ عَائِشَةَ، وَهُوَ ثِقَةٌ، وَرِجَالُ الرِّوَايَةِ الثَّانِيَةِ رِجَالُ الصَّحِيحِ، وَفِيهَا رَاوٍ لَمْ يُسَمَّ.
ایک روایت میں یہ بات مذکور ہے: ”نبی اکرم صلی اللہ علیہ وسلم نے دو بکریوں کو دیکھا کہ وہ ایک دوسرے کو سینگ مار رہی تھیں، آپ نے فرمایا: اے ابوذر! کیا تم اس بارے میں جانتے ہو؟ یہ جو ایک دوسرے کو سینگ مار رہی ہیں، سیدنا ابوذر رضی اللہ عنہ نے عرض کی: جی نہیں! نبی اکرم صلی اللہ علیہ وسلم نے فرمایا: لیکن اللہ تعالیٰ یہ بات جانتا ہے اور وہ عنقریب ان دونوں کے درمیان فیصلہ دے گا۔“ یہ تمام روایات امام أحمد نے نقل کی ہیں، امام بزار نے پہلی روایت نقل کی ہے امام طبرانی نے اسی طرح کی روایت معجم اوسط میں نقل کی ہے، اس کی سند میں ایک راوی لیث بن ابی سلیم ہے اور وہ مدلس ہے، امام أحمد کے بقیہ رجال صحیح کے رجال ہیں، صرف ان کے استاد ابن عائشہ کا معاملہ مختلف ہے اور وہ ثقہ ہے۔ دوسری روایت کے رجال صحیح کے رجال ہیں اور اس کی سند میں ایسا راوی ہے، جس کا نام بیان نہیں کیا گیا ہے۔ [مجمع الزاوئد ومنبع الفوائد/كتاب البعث/حدیث: 18404]
تخریج الحدیث: «اخرجه احمد فى المسند (162/5)»

الحكم على الحديث:
إسنادہ ضعیف
مزید تخریج الحدیث شرح دیکھیں